Լատվիայում մեծ տարածում են գտել ՌԴ նախագահ Վլադիմիր Պուտինի նկարով շապիկները, որոնց հեղինակն է Լատվիայի բնակչուհի Նատալյա Ռուսինովան: Ինչպես տեղեկացնում է «Вести.ru»-ն, հետաքրքիր գրառումներով շապիկներ թողարկելուց առաջ Նատալյան աշխատում էր անշարժ գույքի շուկայում՝ ռուսաստանցիներին Յուրմալայում բնակարաններ վաճառելով: Բայց քանի որ անշարժ գույքի պահանջարկը կտրուկ նվազել է, Նատալյան ստիպված է եղել նոր գործի մասին մտածել, ինչի արդյունքում ստեղծվել է «Սուպեր Պուտին» նախագիծը:

«Վլադիմի Վլադիմիրովիչը հավաքական կերպար է, Ռուսաստանի պատկերների կվինտէսենցիան: Եվ ես կարծում եմ, որ Ռուսաստանի կերպարն այժմ ամենավաճառվող ապրանքն է ամբողջ աշխարհում, նամանավանդ Լատվիայում: Բոլոր շապիկներն արդիական են, բոլորն արտահայտում են համաքաղացիներիս զգացմունքները», - ասել է Ռուսինովան:

Մեկ շաբաթվա ընթացքում նախագծի մասին իմացել են ոչ միայն Եվրոպայում, այլ նաև Արևմուտքում, և, ըստ Ռուսինովայի, պատվերները գալիս են նույնսիկ ԱՄՆ-ից, Ավստրալիայից և Կանադայից:

Պուտինի նկարով շապիկ է պատվիրել նույնիսկ Լատվիայի ամենահայտնի կոմպոզիտոր Իմանտ Կալնինիշը, ում երգերն ու ռոք օպերաները հայտնի են հետխորհրդային ողջ տարածքում:

«Այո՛, նա ինձ համար երկրի ղեկավարի օրինակ է, և ես կածում եմ, որ Լատվիայում էլ մի օր նույն «տրամաչափի» ղեկավար կլինի: Ես երազում եմ այդ մասին: Այսօր Լատվիան նույնիսկ իր բյուջեն չի կարող կազմել առանց կենտրոնի, այսինքն՝ Բրյուսելի հրահանգի», – ասել է Կալնինիշը:

7or.am