Սան Ֆրանցիսկոյում հեռուստատեսային երկու կայանների նկարահանող խմբերն ավազակային հարձակման են ենթարկվել։

Հեռուստաալիքների անձնակազմերը լուրերի առավոտյան թողարկման համար ռեպորտաժներ էին պատրաստում Սան Ֆրանցիսկոյում տեղի ունեցած սպանության մասին, երբ նրանց վրա է հարձակվել դիմակավորված երեք անհայտ անձ, և սպառնալով ատրճանակով՝ գողացել սարքավորումները։

Զինված հարձակումն իրականացել է անմիջապես «KTVU»–ի ուղիղ եթերի ժամանակ, և հեռուստադիտողները տեսել են թղթակից Քարա Լյուի արձագանքը կատարվողին։

Հարձակվողներից մեկն ատրճանակը պահել է օպերատորի գլխին, այնուհետև զենքով ուժգին հարվածել ականջին՝ լուրջ վնասվածք պատճառելով։

Հափշտակված տեսախցիկներն ու շտատիվները տեղավորելով վերջին մոդելի «BMW»–ի մեջ՝ կողոպտիչները փախել են։ Ոստիկանությունը հետաքննություն է սկսել։

7or.am