Հանրաքվեի արդյունքները հրապարակվելուց հետո Հունաստանի ֆինանսների նախարար Յանիս Վարուֆակիսը հրաժարական է տվել։ «Gazeta»–ն հայտնում է, որ իր այս քայլը Վարուֆակիսը պայմանավորել է վարչապետին օգնելու ցանկությամբ։

«Եվրահանձնաժողովի անդամները կարծում են, որ բանակցություններին իմ բացակայությունը կօգնի համաձայնության գալ: Այդ պատճառով հեռանում եմ իմ զբաղեցրած պաշտոնից: Դա իմ պարտքն է. ես պետք է օգնեմ վարչապետ Ալեքսիս Ցիպրասին՝ օգտագործելու այն կապիտալը, որը հույն ժողովուրդը տվեց մեզ հանրաքվեի ժամանակ»,-ասել է նա:

Հիշեցնենք, որ հույները դեմ են քվեարկել վարկատուների առաջարկներին. 59,7%–ը դեմ է, մոտ 40,3%–ն էլ աջակցում է վարկատուների՝ ֆինանսական օգնությունը երկարաձգելու պահանջներին։

7or.am