Լրահոս

07.07.2015 21:59


Ռեստորանից պլանշետ և գումար գողացողը հայտնաբերվել է

Ռեստորանից պլանշետ և գումար գողացողը հայտնաբերվել է

Հուլիսի 5-ին՝ ժամը 01.55-ին, ոստիկանության Երևան քաղաքի վարչության օպերատիվ կառավարման կենտրոնից Մալաթիայի բաժնում հաղորդում է ստացվել, որ իրենց է զանգահարել 1990 թ. ծնված Անի Ե.-ն և հայտնել, որ Հրազդանի կիրճում գտնվող ռեստորաններից մեկում գողացել են ընկերուհու պլանշետը և գումար:
Մեկնած օպերատիվ խումբը պարզել է, որ ռեստորանային համալիրի 2-րդ հարկի սրահից գողացել են 1989 թ. ծնված Մարիամ Մ.-ի պայուսակում գտնվող պլանշետը և 56.000 դրամ` պատճառելով 210.000 դրամի վնաս:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ նշված գողությունը կատարել է 1984 թ. ծնված Անդրանիկ Խ.-ն, ով բացատրական աշխատանքների շնորհիվ՝ հուլիսի 6-ին, ժամը 19.00-ին, ներկայացել է բաժին և տվել խոստովանական բացատրություն:
Քննությունը շարունակվում է:

Այս խորագրի վերջին նյութերը