Վարդավառի օրը ոստիկանության կողմից շարժական արագաչափերի կիրառումը «Աքիլլես» ավտովարորդների պաշտպանություն ՀԿ նախագահ Էդուարդ Հովհաննիսյանն անհասկանալի է համարում։

–Ինչո՞ւ պետք է 400 պարեկապահակային մեքենաների մեջ տեղադրված տեսախցիկներն ավելանան ևս մեկով,–այսօր լրագրողների հետ հանդիպմանն ասել է նա՝ հավելելով, որ շարժական այդ նոր արագաչափն արժե 3000 եվրո, իսկ պարեկային մեքենաների մեջ տեղադրվածը՝ 300 դոլար.

–Նման ճոխության իմաստը ո՞րն է։ Ավելի լավ էր՝ այդ օրը 10 պարեկային մեքենա ավելի օգտագործեին, և սահմանված կարգով անվտանգ երթևեկություն ապահովեին։

7or.am