Ամերիկացի միլիարդատեր Դոնալդ Թրամփը ներկա դրությամբ ԱՄՆ նախագահի պաշտոնի ամենահավանական թեկնածուն է Հանրապետական կուսակցությունից: Այս մասին տեղեկացնում է «CNN»-ը:

Աղբյուրի փոխանցմամբ՝ «ORC»-ի հարցման արդյունքում պարզվել է, որ թեկնածուների վարկանշային աղուսյակում Թրամփն առաջին տեղն է զբաղեցնում: Երկրորդ տեղում Սքոթ Ուոքերն է, երրորդում՝ Ջեբ Բուշը:

Նշվում է, որ Թրամփի նման բարձր վարկանիշը բացատրվում է հանրապետական Ջոն Մաքքեյնի հասցեին արված կոշտ հայտարարություններով:

«Նա պատերազմի հերոս չէ: Նա հերոս էր, քանի որ նրան գերի են վերցրել: Իսկ ես սիրում եմ այն մարդկանց, որոնց գերի չեն վերցրել», - հայտարարել է Թրամփը, ով ավելի ուշ ներողություն է խնդրել Մաքքեյնից՝ նշելով, որ, այնուամենայնիվ, մնում է իր կարծիքին:

7or.am