Ըստ ոստիկանության օպերատիվ հաղորդագրությունների ամփոփագրերի`հուլիսի 28-ից 29-ն ընկած ժամանակահատվածում հանրապետությունում արձանագրված մարմնական վնասվածք հասցնելու 18 դեպքից բացահայտվել է 17-ը: Բացահայտվել է գողության` 4, խարդախության` 8, պաշտոնեական լիազորությունների չարաշահման և մարդկանց առևտրի կամ սեռական շահագործման 1-ական դեպք: Անցած 1 օրվա ընթացքում հանրապետությունում արձանագրվել է ճանապարհատրանսպորտային 5 պատահար, ինչի հետևանքով 6 մարդ ստացել է տարբեր աստիճանի մարմնական վնասվածքներ: