Տեխասցի գործարար Բեն Ուիլսոնն իր սեփական ինքնաթիռով գործի բերմամբ Հյուսթոնից Կիկապու թռչելիս չի նկատել, որ օդանավի դուռն ամուր փակված չէ։ Արդյունքում՝ նրա iPhon–ը 2,8 կմ բարձրությունից ընկել է ցած։ «Times Record News»–ը հայտնում է, որ կորած հեռախոսը գտնել Ուիլսոնին օգնել է էշը։

Հեռախոսի վրա տեղադրված է եղել «Find My iPhone» համակարգը, որն օգնում է տերերին իրենց բջջայինը գտնել աշխարհի յուրաքանչյուր կետում։ Դրա միջոցով էլ պարզվել է, որ հեռախոսը վայր է ընկել Տեխասի Ջոփլին գյուղում։ Անցնելով մոտ 100 կմ՝ գործարարը գյուղի ճանապարհին տեսել է իրեն ուշադրությամբ զննող էշին։ Երբ տղամարդը թռել է արգելապատնեշի վրայով, էշը լուռ սկսել է քայլել։ Գործարարը հետևել է նրան և մի քանի վայրկյան անց սաղարթախիտ ծառի տակ հայտանաբերել է իր բջջային հեռախոսը։

Ի դեպ, պարզվել է, որ ավելի քան 3 կմ բարձրությունից վայր ընկնելով՝ հեռախոսը գրեթե վնասված չի եղել։ Միայն թեթև քերծվել է անկյուններում, իսկ մարտկոցը դուրս է թռած եղել հարվածից։

7or.am