Կառավարության այսօրվա նիստում վարչապետ Հովիկ Աբրահամյանը հայտարարել է, որ Հայաստանի իշխանություններն էին դիմել «Տաշիր Գրուպ»–ի սեփականատեր Սամվել Կարապետյանին ՀԷՑ–ի ձեռք բերման հարցով։ Դա քննարկվել է նաև ՀԷՑ–ի բաժնետեր «Ինտեր ՌԱՕ» ընկերության հետ։

–Ընդառաջելով մեր խնդրանքին՝ կարճ ժամանակահատվածում «ՏԱՇԻՐ» խումբը բանակցեց և արդեն ստորագրեց Հայաստանում էներգետիկ ակտիվների ձեռք բերման պայմանագիրը «Ինտեր ՌԱՕ» խմբի հետ, որի համար հայտնում ենք մեր շնորհակալությունը,–հավելել է Հ. Աբրահամյանը,–կարող ենք փաստել նաև, որ սակագները հիմնավորված են. դրանց փոփոխության անհրաժեշտությունը չկա:

Հ. Աբրահամյանը նշել է, որ Սամվել Կարապետյանը պատրաստակամություն է հայտնել իր անձնական միջոցների հաշվին մինչև 2016թ. օգոստոսի 1-ը Կառավարության հետ հավասար հիմունքներով փոխհատուցել սակագների տարբերությունը ամսական մինչև 250 կվ էլեկտրաէներգիա օգտագործող բնակչության և փոքր բիզնեսի համար։ Այս կապակցությամբ էլ Հ. Աբրահամյանն իր երախտագիտությունն է հայտնել Ս. Կարապետյանին։

7or.am