Եգիպտոսի արտգործնախարար Սամեհ Շուքրին հայտարարել է, որ ռուսական ռազմաօդային ուժերի ավիահարվածներն «Իսլամական պետություն» ահաբեկչական խմբավորման դիրքերին նպաստում են Սիրիայում ահաբեկչության վերացմանը։ Այս մասին հայտնում է «РИА Новости»–ն։

«Այս պայքարում Ռուսաստանի մուտքը՝ իր պոտենցիալով, մեր գնահատականով, կնպաստի Սիրիայում ահաբեկչության սահմանափակմանն ու արմատախիլ անելուն»,–ասել է նա։

Նախարարը նաև նշել է, որ այն տեղեկատվությունը, որը Ռուսաստանի ներկայացուցիչներն իրենց են փոխանցում ուղիղ շփման ժամանակ, վկայում են ահաբեկչության դեմ պայքարում ՌԴ–ի հետևողականության մասին։

Այս հայտարարությունը դարձել է պաշտոնական առաջին արձագանքը Եգիպտոսի կողմից՝ Սիրիայում Ռուսաստանի գործողությունների վերաբերյալ։

7or.am