Այսօր Ազատության հրապարակից դեպի Ազգային ժողովի շենք տեղի է ունեցել «ՈՉ»-ի ճակատի երթը։

Երթի մասնակիցները Բաղրամյան պողոտայով բարձրանալիս մասնավորապես վանկարկել են՝ «Ո՛չ սահմանադրական փոփոխություններին», «Միացե՛ք», «Սերժիկ, հեռացի՛ր»։

Արդեն Ազգային ժողովի շենքի մոտ բախում է տեղի ունեցել ցուցարարների և ոստիկանների միջև այն բանից հետո, երբ ոստիկանները փորձել են վերցնել ԱԺ ցանկապատին ամրացրած «Ո՛չ»–ի պաստառը։ Ի վերջո, ոստիկաններին հաջողվել է վերցնել պաստառը և պատռել այն։

Ցուցարարներից մի քանիսը բերման են ենթարկվել։

***

Սահմանադրական փոփոխությունները հանրաքվեի դնելու հարցն ԱԺ–ն ընդունեց 104 կողմ, 10 դեմ, 3 ձեռնպահ ձայների հարաբերակցությամբ։Պատգամավորների անհատական քվեարկությունների պատկերը՝ այստեղ։

Ֆոտոռեպորտաժը՝ «7օր»–ի։

7or.am