«CNN» հեռուստաալիքին տված հարցազրույցում ԱՄՆ սենատոր Ջոն Մաքքեյնը հայտարարել է, որ ԱՄՆ նախագահի թեկնածու Դոնալդ Թրամփը չի հասկանում այն խնդիրները, որոնք առաջացել են սիրիական հակամարտությունում Ռուսաստանի նոր դերի արդյունքում:

«Չեմ կարծում, որ նա բավականին լավ է հասկանում իրավիճակը: Նա, իհարկե, սեփական կարծիք ունենալու իրավունք ունի», – ասել է Մաքքեյնը:

Սենատորն ընդգծել է, որ ինքը շատ լավ գիտի Սիրիայում տիրող իրական իրավիճակի մասին` հավելելով, որ ԱՄՆ-ն արել է այն, ինչ պետք է աներ:

Մաքքեյնը նաև նշել է, որ Հանրապետական կուսակցության թեկնածուներն իրար նկատողություններ անելով ու իրար հասցեին մեղադրանքներ հնչեցնելով վնասում են միմյանց՝ նվազեցնելով ընտրություններում այդ կուսակցության հաղթանակի հնարավորությունը: Նա, սակայն, որևէ անուն չի բարձրաձայնել` հույս հայտնելով, որ կուսակցության անդամները կփոխեն իրենց պահելաձևը։

7or.am