Շոկոլադն ու միսը բացասական են ազդում մարդու հոգեկան վիճակի վրա, իսկ նրանց հաճախակի օգտագործումը նպաստում է ընկճախտի զարգացմանը: Ինչպես տեղեկացնում է «МИР 24»-ը, մի շարք ուսումնասիրությունների արդյունքում նման եզրակացության են եկել մի խումբ գիտնականներ Իսպանիայից:

10 տարվա ընթացքում գիտնականներն ուսումնասիրել են 15 հազ մարդու։ Անալիզների արդյունքները ցույց են տվել, որ այն մարդիկ, ովքեր օգտագործում են մեծ քանակությամբ յուղոտ միս կամ շոկոլադ, ավելի են հակված նյարդային համակարգի խանգարումների: Նման սննդակարգով մարդիկ ավելի շատ հանգստացնող դեղամիջոցներ և հաբեր են օգտագործում, քան մյուսները:

Ըստ գիտնականների՝ նույնիսկ կարճ ժամանակահատվածով վնասակար սննդից հրաժարվելը կօգնի նվազեցնել ընկճախտի առաջացման հնարավոր վտանգը։

7or.am