Տնտեսական

09.10.2015 15:20


Փոխնախարար. «Ֆորսմաժորային իրավիճակ է ստեղծվել»

Փոխնախարար. «Ֆորսմաժորային իրավիճակ է ստեղծվել»

Գյուղատնտեսության փոխնախարար Գառնիկ Պետրոսյանն այսօր լրագրողների հետ զրույցում հայտարարել է, որ խաղողի մթերման դժվարությունների պատճառով ֆորսմաժորային իրավիճակ է ստեղծվել։ Միաժամանակ, նա հավելել է, որ խուճապի մատնվել կամ ավելորդ շտապողականություն դրսևորել պետք չէ, քանի որ նախարարությունը վերահսկում է իրավիճակը։

–Դեռ տարվա սկզբին ակնհայտ էր, որ գինու և կոնյակի իրացման շուկայում խնդիրներ կան։ Վաճառքի ծավալները կրճատվել էին, գինունը՝ 42, կոնյակինը՝ 50 տոկոսով: Նաև ակնկալվում էր, որ խաղողի բերքը մոտ 30 տոկոսով գերազանցելու է սպասելիքները,–ասել է նա՝ հավելելով, որ լրացուցիչ մթերումների համար քայլեր են ձեռնարկում։

Նրա խոսքով՝ երեկվա դրությամբ՝ մթերվել է շուրջ 185 հազար տոննա խաղող։ Սպասվում է, որ 15 հազար տոննա էլ կմթերվի: Նախորդ տարի մթերվել էր 184 հազար տոննա.

–Որոշ ձեռնարկություններ մթերել են 140-145 դրամով: Որոշներում էլ խաղողը մթերվել է նվազագույնը 90 դրամով։

7or.am

Այս խորագրի վերջին նյութերը