Ստամբուլի դատարանը որոշել է թուրքական «Today's» թերթի գլխավոր խմբագիր Բյուլենթ Քենեշին ձերբակալել։ Պատճառը Թուրքիայի նախագահ Ռեջեփ Էրդողանի մասին վիրավորական արտահայտություն թույլ տալն է։ Այս մասին հայտնում է «Vesti.ru»-ն:

Թերթի խմբագիրը «Twitter»-ի իր միկրոբոլոգում Էրդողանի մասին վիրավորական գրառումներ էր կատարել:

Քենեշը չի ընդունում իր մեղքը՝ պնդելով, որ օգտվել է ազատ արտահայտվելու իր իրավունքից։

Թուրքիայում ձերբակալվել է նաև Դիարբեքիր նահանգի Դիջլեի քուրդ քաղաքապետ Աբդուլսամեթ Բիլգինը։ Այս մասին հայտնում է քրդական «DIHA» գործակալությունը։

Նա մեղադրվում է պետության միասնությունն ու ամբողջականությունը վնասելու մեջ։

7or.am