Տնտեսական

04.11.2015 16:56


Վերացվել է ԱՄՆ երեք նահանգներից թռչնամսի ներմուծման արգելքը

Վերացվել է ԱՄՆ երեք նահանգներից թռչնամսի ներմուծման արգելքը

ՀՀ ԳՆ սննդամթերքի անվտանգության պետական ծառայության պետի հրամանով 2015 թվականի մայիսի 29-ից Ամերիկայի Միացյալ Նահանգներում արձանագրված բարձր ախտածին թռչնի գրիպ (H5N2, H5N8 տիպի) հիվանդության մուտքը Հայաստանի Հանրապետություն կանխելու նպատակով արգելվել էր Ամերիկայի Միացյալ Նահանգների 16 նահանգներից Հայաստանի Հանրապետության տարածք ներմուծել կենդանի թռչուն, թռչնամթերք, հումք (փետուր, աղվամազ), ապրանքային և ինկուբացիոն ձու, մսոսկրային ալյուր, կերեր, լրացակերեր (բացառությամբ սինթետիկ և քիմիական նյութեր պարունակող լրացակերերի), պոլիմերային և ստվարաթղթե պալարային տուփեր և միջադիրներ՝ մինչև կարանտինի չեղյալ հայտարարելը:

Հիմք ընդունելով հիվանդության վերացման վերաբերյալ Կենդանիների առողջության համաշխարհային կազմակերպության (ԿԱՀԿ) պաշտոնական կայքում հրապարակված տեղեկատվությունը` Ծառայության պետի 2015 թ. նոյեմբերի 3-ի հրամանով ԱՄՆ-ի Նեբրասկա, Հարավային Դակոտա և Վիսկոնսին նահանգներից ներմուծման արգելքը վերացվել է:

Տեղեկացնենք նաև, որ ավելի վաղ՝ հուլիսի 30-ին, վերացվել էր ԱՄՆ-ի Արկանզաս, Կալիֆորնիա, Այդահո, Ինդիանա, Կանզաս, Միսսուրի, Մոնտանա, Հյուսիսային Դակոտա, Օրեգոն, Վաշինգտոն նահանգներից թռչնամսի ներմուծման արգելքը:

ՀՀ ԳՆ սննդամթերքի անվտանգության պետական ծառայություն

Այս խորագրի վերջին նյութերը