ԱԺ–ի այսօրվա արտահերթ նիստում առաջին ընթերցմամբ քննարկվել է «Պետական նպաստների մասին օրենքում փոփոխություններ կատարելու մասին» կառավարության ներկայացրած նախագիծը։

Դրանով առաջարկվում է հունվարի 1-ից նպաստ տրամադրել նաև չաշխատող մայրերին:

Ինչ վերաբերում է ծնելիության աճին, ԱԺ ՀՀԿ խմբակցության պատգամավոր, Սոցիալական հարցերի մշտական հանձնաժողովի նախագահ Հակոբ Հակոբյանը դա չի պայմանավորում սոցիալական վիճակի և նպաստների հետ: Նա հիշեցրել է «մեր պապերին, ովքեր հաց չունեին, բայց 10 երեխա էին ունենում»:

–Իսկ հիմա հարուստները քանի՞սն են ունենում,–հավելել է նա,–ժողովրդագրական խնդիրը սոցիալական ոլորտի հետ կապել պետք չէ։ Դա մարդու փիլիսոփայության խնդիր է, ոչ թե սոցիալական։

7or.am