ՀՀ էներգետիկայի և բնական պաշարների նախարար Երվանդ Զախարյանն այսօր հրավիրված ասուլիսում հայտնել է, որ 2015թ. արտադրող կայանների կողմից Հայաստանում թողարկվել է 7,8 մլրդ կՎտ/ժ էլեկտրաէներգիա՝ 2014թ. համեմատ 0,62 տոկոսով ավելի:

Արտահանվել է 1,4 մլրդ. կՎտ/ժամ էլեկտրաէներգիա, ՀԷՑ–ը սպառողներին առաքել է 5,5 մլրդ կՎտժ։

Զախարյանը նաև նշել է, որ նախորդ տարի էլեկտրաէներգիայի փաստացի կորուստները կրճատվել են ՀԷՑ–ում՝ կազմելով 11,1 տոկոս։ Մինչ այդ կորուստները հասնում էին 12,73 տոկոսի։

Նա ընդգծել է, որ կորուստները ոչ ճիշտ էներգահաշվի կազմման արդյունք են, իսկ 2015թ. հաշվեկշիռը կազմվել է նոր կարգով։

Ինչ վերաբերում է էլեկտրաէներգիայի թանկացմանը, Ե. Զախարյանն ասել է, որ դա ոչ ցանկալի երևույթ էր, բայց իրենք ստիպված էին գնալ այդ քայլին։

7or.am