Սպառողների իրավունքների պաշտպան Արմեն Պողոսյանը վստահ է, որ Հայաստանում էլեկտրաէներգիայի սակագինը կրկին թանկանալու է։ Այսօր հրավիրված ասուլիսում նա նշել է, որ ևս 10 տարի ատոմակայանի աշխատելու համար մի քանի հարյուր միլիոն դոլար է անհրաժեշտ։

–Ատոմակայանը կանգնելու է վեց ամիս, և մենք հիշելու ենք մոմի լույսի տակ ապրած թվերը։ Ատոմակայանն արտադրում է մեր հոսանքի 45 տոկոսը: Նախարար Երվանդ Զախարյանը հայտարարեց, որ որքան ուշ կառուցեն նոր ատոմակայանը, այնքան լավ, և որքան փոքր կառուցեն, այնքան լավ: Բայց երկուսն էլ աբսուրդ է. ճիշտ հակառակը պետք է անել,–ասել է Ա.Պողոսյանը:

7or.am