Վարչապետը նաև բլոգեր է՝ վարորդը նաև հսկիչ է թեմայով
Հայկական բլոգոսֆերայի նորություններից. վարչապետ Տիգրան Սարգսյանը բլոգ է բացել
Հայկական բլոգոսֆերայում այս օրերին ամենից շատ քննարկվող թեման ՀՀ վարչապետ Տիգրան Սարգսյանի նոր բացված բլոգն է։
Անկեղծ ասած` ինձ համար կարևոր է, որ դուք հասկանաք, թե ինչպես եմ մտածում: Մեր երկխոսության մեջ մամուլը հաճախ պարտադրում է իր կարծիքը` զրկելով մեզ անմիջական շփման հնարավորությունից: Ես գտնում եմ, որ լավ կլինի ձեզ հետ ուղղակիորեն հաղորդակցվելու հնարավորություն ունենալ: Այդ պատճառով էլ ստեղծել եմ այս տարածությունը, որտեղ ես կներկայացնեմ իմ խոհերն ու գաղափարները, որտեղ իմ խոսքերի և գործողությունների վերաբերյալ դատողությունները կբխեն ուղղակիորեն ձեզնից: Կարծում եմ` շատ կարևոր է այն իրողության գիտակցումը, որ աշխարհի մասին մեր գիտելիքներն ու պատկերացումները հնանում են: Մարդիկ, որոնց հետ ես աշխատում եմ, փոխվում են, փոխվում են պահանջներն ու սպասելիքները: Իմ սպասելիքները` ձեզնից, ձերը` ինձնից: Ես ձեզ հարցեր ունեմ: Դուք էլ, համոզված եմ, ինձ,-բլոգ բացելու իր նախաձեռնության մասին գրում է վարչապետը բլոգում, որին արդեն մի քանի տասնյակ արձագանքներ են եղել։
Ի դեպ, վարչապետի կողմից բլոգ բացելու լուրը իրենց բլոգներում քննարկել են kornelij–ը, rubywedge–ը, radiovan–ը, aramx–ը, alkhimik–ը և այլ բլոգերներ։ (շարունակել →)
Կոռուպցիան, խաշը և կանանց իրավունքները հայ բլոգերների աչքերով
Հայկական բլոգոսֆերան այս օրերին նախատոնական տրամադրությամբ տարեվերջյան իրադարձություններն է ամփոփում։ Հետաքրքիր ամանորյա տոնածառի մասին է գրում Unzipped–ը, Nakedsilence–ը ամանորյա ցուցահանդես վաճառքի մասին է պատմում, իսկ Bnamard–ը վերլուծում է մայրաքաղաքի գլխավոր տոնածառի համար այդ քանակությամբ հատված սոճիների անհրաժեշտությունն այն դեպքում, երբ երկրում ընդամենը 6 տոկոսն է կանաչ տարածք։ «Notes from Hairenik»–ը ֆոտոպատմությամբ գրում է «սեզոնի» համար սովորական՝ խաշի արարողակարգային համտեսի մասին։ «Ֆոտոպատմություն» համատեքստում է նաև 517design–ի գրառումը էքստրիմալ ֆոտոլրագրության մասին։ (շարունակել →)
Բլոգերների ակումբի առաջին հանդիպումը կայացավ
Հայ բլոգերների ակումբի առաջին հանդիպումը տեղի ունեցավ շաբաթ օրը երեկոյան։ Մոտ 50 բլոգեր իրական կյանքում առաջին անգամ հանդիպեցին և փոխանակեցին «օն–լայն» տիրույթում ստացած իրենց փորձառությունը։ Ապա հայկական բլոգոսֆերայի զարգացման համատեքստում քննարկվեցին բազմաթիվ խնդիրներ։ Հանդիպումը նախաձեռնած «Նեո մեդիա» պրոյեկտի ներկայացուցիչները հանդիպմանը մասնակցող բլոգերներին առաջարկեցին իրենց տեսակետը հայտնել բլոգինգը, որպես այդպիսին, կարգավորման դաշտ բերելու կամ համակարգելու հարցի առնչությամբ։ (շարունակել →)
Բլոգերները կհանդիպեն իրական կյանքում
Հայ բլոգերների ակումբի առաջին հանդիպումը տեղի կունենա ս.թ. նոյեմբերի 21-ին, 19:00 Երևանում: Հանդիպման վայրն է Սարմենի 1 հասցեում գտնվող «ԳՈՐԾՔ» ընկերության հանդիպումների սրահը / Գեղարվեստի ակադեմիայի շենքի ետնամաս: Հանդիպմանը կարող են մասնակցել բոլոր բլոգերները, բլոգային կյանքով հետաքրքրված անձինք, կազմակերպությունների և լրատվամիջոցների ներկայացուցիչները, լրագրողները: Մուտքն ազատ է բոլորի համար: Հանդիպման վայրում բոլոր մասնակիցները պետք է անցնեն ռեգիստրացիա` նշելով Անուն, Ազգանուն, բլոգային ռեսուրսը կամ լրատվամիջոցը, որը ներկայացնում են և էլ. փոստի հասցե` հետագա նորությունների ստացման համար:
Հայ բլոգերների հանդիպման առաջնահերթ նպատակն է քննարկել հայկական բլոգոսֆերային և սոցիալական մեդիա ոլորտին վերաբերող մի շարք թեմաներ, հայ բլոգերների ընդհանուր անելիքները և բլոգոսֆերան որպես անկախ ոլորտ պահպանելուն նվիրված քայլերը: Հայ բլոգերների ակումբի հանդիպման նախաձեռնող կողմ է հանդես գալիս NeoMedia-ն իր iSOCIAL նախագծով: (շարունակել →)
Ինֆորմացիոն հակազդեցության “բլոգերական” տարբերակը
“Ադրբեջանի հետ կապված՝ Հայաստանն այսօր հարաբերական հաջողության է հասել, քանի որ սովորել ենք ֆիլտրել ինֆորմացիան, հասկանալ՝ որն է պետք, որը՝ ոչ, իսկ նախկինում ուղղակի «copy-paste» էին անում ադրբեջանցու ասածն ու դնում, չէին էլ մտածում, որ ադրբեջանցիները հատուկ հայկական շուկայի վրա են աշխատում“- «7օր»-ի հետ զրույցում ասել է բլոգեր Տիգրան Քոչարյանը (Փիղ)։ Նա նշել է, որ ներկայումս նույն իրավիճակում ենք գտնվում Թուրքիայի հետ, քանի որ «այսօր ինֆորմացիայի պակաս կա, իսկ պետական օղակներով մի տեսակ այլ ինֆորմացիա է տրամադրվում».
“Մարդիկ ստիպված են մտնել «Zaman», «Hurriet», «Sabah» և այլն։ Հիմա արդեն թուրքերն են նույն կերպ գործում։ Տեսնելով, որ սպառման շուկա կա՝ նրանք ինչ ուզում, անում են։ Ինֆորմացիա, սադրանքներ են գրում, սխալ, խեղաթյուրված տեղեկություն տալիս և այլն։ Հիմա մերոնք չեն կարողանում շատ ուժեղ հակազդել, քանի որ պետական մակարդակով խուսափում են Թուրքիային վախեցնելուց, որ հանկարծ արձանագրությունները չստորագրելու հիմք չլինի“։ Տ. Քոչարյանը տեղեկացրել է նաև, որ այսօր բլոգներում շատ ակտիվ քննարկվում են նաև Հեյդար Ջեմալի արտահայտությունները, թե Հայաստանի Հանրապետությունը պետք է լուծարվի, ինչպես Իսրայելը։
Բլոգերները տխրահռչակ արձանագրությունների մասին
Հայ բլոգները այս օրերին ակտիվորեն քննարկում են հայ–թուրքական հարաբերությունների համատեքստում վերջին զարգացումները, հարցումներ ու վերլուծություններ անում։
«Արդեն որերորդ մարդուց եմ լսում, որ արձանագրություններին դեմ արտահայտվում են էմոցիոնալ անկառավարելիությամբ տառապողները, իսկ քաջերը, անվախները ու արկածների սիրահար ռոմանտիկները կողմ են, գոնե միայն նրա համար, որ չեն վախենում, հիստերիկ չեն։ Լսում եմ նաև, որ հայրենասիրություն-բան, ավելորդ ու ոչ լիարժեք արգումենտներ են նշված արձանագրություններին դեմ լինելու համար։ Հիմա իհարկե չեմ պատրաստվում 2 սյունակ գծել՝ հայրենասեր ու չհայրենասեր կատեգորիաներով բաժանելու համար։ Նշեմ նաև (փորձը ցույց է տալիս, որ շատ հաճախ ծամել-բերան դնելու տարբերակը եթե չեղավ, գրածիցդ ինչ ասես կհասկանան, բացի նրանից, ինչ ուզում ես ասել), որ մեզ նման սովորական մահկանացուներիս՝ էս հարցին կողմ կամ դեմ լինելը ինձ համար հայրենասեր լինել-չլինելու հարց չի։ Ո՞վ ասեց, որ ես ավելի հայրենասեր եմ Պողոսից, իսկ Պողոսն էլ Պետրոսից և այլն։ Բայց սրա վրա շատ չխորանանք, որ՛տև ենթա-ենթակատեգորիաներ կան»,–իր «Կեղծ կատեգորիաների ու էմոցիաների վերաբերյալ»գրառման մեջ նշում է noni-no–ն”։ (շարունակել →)
«Տեսա՞ք ինչ եղավ», կամ «Բա հիմա ի՞նչ է լինելու»
«7 օր»-ը հյուրընկալել է հրապարակախոս Հրանտ Տեր-Աբրահամյանին և բլոգեր Տիգրան Քոչարյանին։
-Ներքաղաքական զարգացումները գնալով թափ են հավաքում։Դրանք հիմնականում պայմանավորված են արտաքին գործոններով։ Արտահերթ ընտրական գործընթացներ կանխատեսո՞ւմ եք, թե՞ ոչ։
Տիգրան Քոչարյան-Ես կուզենայի կանխատեսել, քանի որ այն կարծիքին եմ, որ հայ-թուրքական պայմանավորվածությունները չպետք է ստորագրվեն և ընդունվեն խորհրդարանի կողմից։ Բայց ես հնարավոր չեմ համարում, որ խորհրդարանն իր ներկա կազմով չընդունի դա։ Այդ հարցում ամենածայրահեղ ընդդիմությունն էլ (նկատի ունեմ ՀԱԿ-ը) է ոնց որ միացել իշխանությանը, այդ պատճառով էլ մի քիչ բարդ կլինի։
-Իսկ ինչո՞վ է Ձեր նշած ընդդիմությունը ծայրահեղական։
Տ. Ք.-Դե, ՀԱԿ-ն իրեն ներկայացնում է որպես ծայրահեղական, սակայն հայ-թուրքական հարաբերությունների հարցով իրենք կարծեք թե բավականին լավ եզրեր են գտել իշխանության հետ. այնպիսի տպավորություն է, թե միասին են աշխատում։ Ոնց որ կոալիցիոն գործընկերներ լինեն։ Մի կողմից ցանկանում եմ, որ ինչ-որ ներքաղաքական զարգացումներ լինեն, մյուս կոմից էլ չեմ ուզում, որովհետև միշտ էլ պահից կարող են օգտվել արտաքին այլ ուժեր։
-Ասում եք, որ կուզենայիք արտահերթ գործընթացներ, և նշում, թե ՀԱԿ-ն ու իշխանությունները միասին են։ Այդ դեպքում նշված գործընթացների մյուս կողմում ո՞վ է լինելու։ (շարունակել →)
Հայկական հեքիաթի «iKnik»–ը, ռոմանտիկ մսագործն ու Հայաստանն առանց վարդագույն ակնոցների
Հայկական բլոգներում այս շաբաթ լիրիկական խոհերն են գեռակշռում։ Մինչ «Ռադիո Վան»–ի բլոգը հայտնում է Հրապարակ օրաթերթի և Հ1 հեռուստաընկերության փոխադարձ հարձակումների, javakhk–ը Վահագն Չախալյանի նկատմամբ վրացական իշխանությունների նոր սրացումներից և armkids–ը Նուբարաշենի մանկատան հետ կապված «Հատուկ գոտի» տեսանյութերի շարքն է հրապարակում, dabavog–ը «արգելակին սեղմել է առաջարկում»։
«Էսօր մի տարօրինակ բան տեղի ունեցավ։ Վարդագույն ակնոցներս տանն էի թողել, ու.. Աչքերս բացեցի ու… ուրեմն, քաղաքը փչացրել են, սաղ լավ շենքերը քանդել են, տեղը կառուցել անճաշակ բաներ… գրադարանները փակել են, գրքերը շպրտել, տեղը բորդելներ սարքել… դրոշը անճաշակ ա, հիմնը՝ խնդալու… մինիստրները սաղ գողեր են, ԳԱԻն՝ մուրացկաններ-կողոպտիչներ… դատավորները՝ կաշառակեր են… դիմությունը՝ քաղպոռնիկներ են, ընդդիմությունը՝ աղանդավորներ… Ազգային ժողովը գողական սխոդկա յա, գողերը՝ բեսպրեդելի մեջ… ավտոները՝ կամ ժողովրդից գողացած փողով բենթլի կամ պապուց կտակված 1973 թվի ժիգուլի… եկեղեցականները մենակ կնունքի փող ու շինարարության ատկատ պոկող… աղանդավորները տժժում են, պացիֆիստները՝ դավաճան… երիտասարդները սեւ շորերով են ու լսում են մենակ Արմենչիկ… ջահելները՝ այլասեռված, անկիրթ ու բութ…երեխաները՝ դաժան, լկստված ու փսլինքոտ… կինոից մենակ սերիալ ա նկարվում, մուլտերից՝ Ռոբերտ Սահակյանց… ծիրանը էս տարի լավ չէր՝ կարկուտ, խնձորը՝ մենակ կարմիր ու հատիկով, խաղողը՝ թթու ու կորիզով… հավերը քնձռոտ են, բրազիլականները՝ պլաստմասով պատրիս արած… կովերը տխուր ու ասֆալտի վրայի զիբիլ ուտող… հաաաա, զիբիլը չի հավաքվում… ինժեներները բոմժ են դառել, գրողները մատերիալ են մենակ գրում իրար վրա»,–գրում է բլոգերը։
Artakevn–ը «apple»-ի մասին է խոսում։ «Հայկական հեքիաթներում (եւ ոչ միայն) օգտագործվող «Այ կնիկ» եւ «Այ մարդ» դիմելաձեւերը կփոխարինվեն iKnik ու iMard ով: Այրումի կայարանը կկոչվի iRoom» … azatarar-ը «Ազգիս անունը որպես առևտրային բրենդ» գրառման մեջ «Հայերը խաղում են հայ լոտո»–ն համապատասխան հանգավորմամբ «հայկականության» տարբերակն է ներկայացնում, ապա եզրակացնում. (շարունակել →)
Բլոգերները կանաչ շարժման ակտիվիստի և «պուտինապաշտության» մասին
Հայկական բլոգոսֆերան այս օրերին կանաչ շարժման ակտիվիստ Մարիամ Սուխուդյանի հետ կապված միջադեպն է քննարկում, ընդ որում, լուծումներ է առաջարկում ի պաշտպանություն ակտիվիստի։
«Ընդհանրապես, նորմալ պետություններում դեռ նոյեմբեր ամսին, երբ այդ հաղորդումը եթեր դուրս եկավ, երեխաների իրավունքները պաշտպանող կազմակերպությունները պիտի աղմուկ բարձրացնեին ու քրեական գործ հարուցեին: Հոդվածից այն հասկացա, որ հինվելով հաղորդումի վրա քրեական գործ հարուցողը դատախազությունն է եղել: Ըստ երևույթի իրենք հարուցել են, իրենք էլ իրար մեջ գործը “պարզաբանել” են: Հենց ամենակզբից սխալը նրանում է եղել, որ այդ գործին հետևող չի եղել (ըստ երևույթի): Նախ հարկավոր էր երեխաների իրավունքները պաշտպանող կազմակերպությունը(ներին) խառնվեին իրարով, հետո էլ պրոֆեսսիոնալ հոգեբանները միանաին, որ երեխաների հետ զրուցեին: Պարզ է, որ եթե այս ամենը չի արվել (ըստ երևույթի հենց այդպես էլ եղել է ու երեխաների հետ միայն քննիչներն են զրուցել), ապա երեխաների վրա ճնշում են գործադրել, որից հետո էլ նրանք խոսքերից ետ են քաշվել»,–գրում է arin-berd-ը։
Միջադեպին են անդրադառնում է նաև kornelij–ը, ahousekeeper–ը, smbatlragrox–ը, dabavog–ը, narjan–ը, mirope–ն, mkdotam–ը, markgrigorian–ը, azatarar–ը, norayr–ը, unzipped–ը։ (շարունակել →)
«Ազատագրված է, ոչ թե գրավված»–ի PR ակցիան և «ՀՀ Զինված ուժերի կանոնակարգ»–ի մարազմը
Հայկական բոլոգոսֆերայում այս օրերին ազատագրված տարածքների, «հայկանության» և խորհրդանիշների պատերազմների ու հակազդեցության թեման է ակտիվ քննարկվում։ ahousekeeper–ը իր «Ազատագրված է, ոչ թե գրավված»գրառումով տեղեկացնում է Հայաստանի քարտեզով շապիկներ պատվիրելու հնարավորության մասին, որին բլոգային տիրույթում խանդավառությամբ են արձագանքում մյուս բլոգերները։ Arin-Berd–ի թեման «Ընկերների պատմություն» –ն է։
Ջոկատի նոր անդամներն արդեն պատերազմի հոտն առել էին, արդեն կռիվների էլ էին մասնակցում: Ամառ օր էր, մոտավորապես այս օրերն էին, Ժիրոյից զանգ ստացա. – Հեսա, կես ժամից ձեր մոտ եմ,- ուրախությունով պատասխանեցի ես ու շտապեցի Զեյթուն: Բարով տեսանքով իրար ողջունեցինք, փաթաթվեցինք: – Լավ ե՞ս, ամեն ինչ լավ ա՞: Արա, աչքիս գույնդ փոխվել ա, ոնց որ զագառ ընդունած լինես: Էս սանատորիա էի՞ր, թե՞ ընտեղի թեժ կրակից ա մաշկդ սևացել: – Հոոո՜… Կարոն կթողնե՞ր, օր հանգստանանք: Մեզ չլեր գը: Էս Շուշիի արևն է վառել, չորցանք: Շուշի ենք տեղադրված: Տեսքս ավելի լավ էր ՝ չաղացել էի, թշերս լցվել: Մտանգ Աղդամ, 3 կիլո նիհարի:- Աղդամ էլ եք հասցրե՞լ մտնեք: Ապրե՜ք դուք,–գրում է նա։
gago-berlin–ը հարցում է անցկացնում իր ընկերների շրջանում, թե «Կողմ կլինե՞ք ԼՂՀ տարածքների հանձնման վտանգի պարագայում ռազմական դիկտատուրաի հաստատմանը Հայաստանում» և «Այո Գագո», «Չէ հա այ ախպեր», «էս ի՞նչ էս ասում, Դժար ա դժար… ԽԶ՞» տարբերակներից առաջարկում ընտրել ամենից համապատասխանը։ freedomfight777–ը «Ուղեղի թռչնագրիպացում» գրառման մեջ անդրադառնում է քարոզչական նպատակներով Հայաստանի դրոշի շահադիտական նպատակներով այլ դրոշների հետ համադրման մասին։ noni-no–ի գրառումը Վազգեն Ա Վեհափառի մասին է.
«Գրել էի, որ երկու գիրք եմ գնել Վազգեն Ա-ի մասին։ Գրքերից մեկում դրված են նաև նրա նկարները։ Նկարներից մեկում ապագա Վեհափառն է 6 տարեկան հասակում։ Նկարի հետևում Վեհափառի մոր գրությունը՝ (Վեհափառի ծննդյամբ ստացած անունը՝ Լևոն-Կարապետ Պալճյան, այսինքն, կարդացվում է Բալջյան)»,– գրում է բլոգերը, ապա բանաստեղծության մեջբերումից հետո եզրափակում. «Սիրում եմ, երբ մայրը զինվոր է մեծացնում» (շարունակել →)
Սադրիչները հայկական համացանցում և Հռոմի Պապի նոր ձայնասկավառակը
Հայկական բլոգոսֆերայում այս օրերին ակտուալ է հայկական բովանդակության ինտերնետի անվտանգության և համացանցի տարբեր սոցիալական համայնքներում ժողովրդական լեզվով ասած «չուզողության» թեման։ dorianablog–ը «Թույն առաջարկություն ունեմ» գրառման մեջ ասում է.
Ուղղակի խղճում եմ էն սուբյեկտներին, որոնք առանձնապես ոչինչ չունեն ցույց տալու, պատմելու մարդկանց ու էշի պես քարշ են գալիս ինտերնետում, միայն սրան-նրան վատություն անելով: Ինչ տեսակի տականք ասես ռաստվեց. էլ դավաճան, էլ բանսարկու, էլ խոսք տանող-բերող… Ուֆ, թարգում եմ ու լավ բաներից խոսամ: Օրինակ լավ մարդկանցից:
Նույն թեմայով իր վրդովմունքն է հայտնում smbatlragrox բլոգը իր «Տականք սադրիչները, ինտերնետում» գրառման մեջ։
Ժողովուրդ ջան չեք պատկերացնում, թե ինչքան տականքներ, լրբեր, բանսարկու-ապուշներ,գործ տվող վիժվածքներ և ուղղակի պարզապես վատ մարդիկ, կան ես համացանցում, ամեն տեղ սոցիալական ցանցերից բռնած skaype-ով և more մեսենջերներով վերջացրած, որոնք ապրում են ընդամենը մեկ բանի համար,մարդկանց վատություն անելու և նրանց դժբախտության վրա անասուն-անասուն ծիծաղալու: Ինչ անենք լավ բարձր տրամադրությամբ մտնում ես ինտերնետ, բարևում ես ընկերներիտ, բայց մեկ էլ վդռուգ մի ապուշ-անասուն գրումա, ապեր, դու ես աղջկա հետ խոսել ես, ասում եմ չէ, ասում է ապեր ոնց չէ, որ կարդացել եմ նամակներտ, դե հիմա եթե դուք իմ տեղը լինեք ինչ կանեք, որ եթե այդպիսի բան չի եղել, չեք ասի այ բաշիբոզուկ անտեր, ես ուր ու ետ աղջիկն ուր, բանուգործ չունեմ մտնեմ համացանց ինտերնետ աղջիկ խոսացնեմ:
Norayr–ը ներկայացնում է համացանցային «բրոուզերների» մասին իր «չաթային» պատմություններից։ Եղանակային փոփոխությունների և օֆֆ–լայնի արտացոլման արդյունքում Smbatgogyan բլոգը գրում է. «ՀՀ նախագահները ոնց որ լինեն Երևանի եղանակը – որն ուզում է լինի, մեկ է թվում է թե մյուսն ավելի լավն է»: Երիտասարդության մասին կարծրատիպային ընկալման և եղանակի պատճառով շոգ եղանակին տաք հագուստի ու համապատասխան եզրակացությունների մասին է գրում amiga-ga բլոգը՝ «Մենք հայերս շատ ֆանտազյոր ենք» նախադասությամբ սկսելով գրառումը։ u-ne–ի թեման Հռոմի պապի երաժշտական ալբոմ թողարկելու մասին լուրն է։
Narjan–ի թեման «Երկրիս դիվանագետի վեհ ու պարտադրող պաշտոնի մասին» վերնագրով գրառմանը Լոս Անջելեսում Հայաստանի նախկին հյուպատոս Նորայր Ղալումյանի ձերբակալության է վերաբերվում։ noni-no–ն անդրադարձել է Հայաստանի Ռամկավար ազատական կուսակցության ատենապետ Հարություն Առաքելյանի՝ կուսակցության շուրջ ծավալված իրադարձությունների մասին լուրին։
«Նաիրիտի փոխտնօրենը, ինչպես նշել է Հարություն Առաքելյանը, վարչապետ Տիգրան Սարգսյանի եղբայրն է: Սա բացահայտ հովանավորչություն է և նման բարձիթողի վիճակ չի կարելի հանդուրժել: Նաիրիտի աշխատակիցներին ստիպում են պայմանագիր կնքել, ըստ որի գործարանի մասին իրավունք չունեն ոչինչ խոսել, իսկ տեղեկատվության արտահոսքի դեպքում ազատվում են աշխատանքից, նշել է Առաքելյանը:
Ինձ միշտ զարմացրել է մարդկանց անկշտության աստիճանը։ Մտածում ես, որ եթե չտեսին դեմ տաս ուտելու ու թողնես մի լաաավ ուտի ու մինչև վերջ իր ու ազգուտակի ուտելիքի հարցը լուծի, կարող է հանգստանա, կշտանա։ Բայց չէ, փաստորեն երբեմն մարդու միայն փորն է կշտանում, իսկ աչքը մնում է անկուշտ… Պատկերացրի ինչքան հարց կլուծվեր 60 մլն դոլարով երեք տարվա ընթացքում: (շարունակել →)
Բացվել է 7օր բլոգը
Բարի գալուստ «7օր բլոգ»՝ առողջ քննարկումների և բանավեճերի ազատ տիրույթ։ Մենք արդեն գործում ենք։ Այսուհետ բլոգում ամենօրյա թարմեցմամբ երկրի համար կարևոր իրադարձություններն ու վիճահարույց թեմաների քննարկումները կլինեն, որտեղ կսպասենք ձեր տեսակետին եւ մեկնաբանությանը։
Ժամանակակից ցանցային տեխնոլոգիական հնարավորություններին համապատասխան բլոգը ձեզ հարմարացնելու եւ համացանցում ամենուր հասանելի լինելու համար «7օր բլոգ»–ը գրանցել է իր livejournal–ային տարբերակը՝ http://7or-blog.livejournal.com/, ինչպես նաեւ ստեղծել է իր պաշտոնական facebook խումբը՝ http://www.facebook.com/group.php?gid=94824218524
«7օր բլոգ»–ը արդեն ընդունված բլոգային քննարկումների ֆորմատից բացի իրականացնում է նաեւ երկու փորձարարական նախագծեր։ «Ընթերցողների օմբուդսմեն» բաժնում պարբերաբար ընթերցողների շահերից կխոսեն բլոգում ակտիվություն ցուցաբերած մարդիկ, ինչպես նաեւ իրենց դիտողություններով հանդես կգան հայտնի բլոգերներն ու հասարակական սեկտորի տարբեր գործիչներ։
«Բլոգերի տեսություն» բաժնում ընդունված մամուլի տեսության ֆորմատով կանդրադառնանք հայկական բովանդակության բլոգների նյութերին՝ համապատասխան հղումներով, ինչպես նաեւ հայկական բլոգոսֆերային հուզող թեմաները կվերլուծենք ու քննարկենք։ «Բլոգերի տեսություն» էջով մենք ցանկանում ենք ընդգծել հայկական բլոգոսֆերայի կարեւորությունը եւ այս հարցում ակնկալում ենք ձեր ակտիվությունը համապատասխան հղումների եւ բլոգների հասցեների փոխանակման, ներկայացման հարցում։
«7օր բլոգ»–ը վարում է հայկական բլոգոսֆերայում “Բլանշ” կեղծանունով հանդես եկող լրագրող Շուշան Հարությունյանը, ում եւ կարող եք դիմել ցանկացած հարց առաջանալու դեպքում։
Սպասեք նորությունների եւ բացահայտումների «7օր բլոգ»–ում, ինչպես ձեր մեկնաբանությունների եւ տեսակետների հիման վրա գրված նյութերը կարդացեք «7or.am»–ի առաջին էջում:
