Թող մեկնաբանեն նրանք, ովքեր կասկածում են...
Բազմիցս է կարծիք հնչել, որ Սերժ Սարգսյանը ՀՀ նախագահ դառնալուց և հատկապես «ֆուտբոլային» դիվանագիտությունը նախաձեռնելուց հետո գոնե մի դրական բան արեց Հայաստանի համար՝ «մաքրեց» քաղաքական դաշտը։ Այդուհանդերձ, դեռ ակտուալ է մնացել և հատկապես վերջին օրերին բուռն քննարկման թեմա է դարձել, թե ով է իրական ընդդիմությունը, և ընդդիմադիր որ ուժն է կառուցողական կամ ապակառուցողական։
Հարցի պատասխանները փորձեցինք ստանալ խորհրդարանական բոլոր խմբակցությունների ներկայացուցիչներից։ Սակայն ոչ բոլորը համաձայնեցին կոնկրետ անուններ նշել։ Մասնավորապես «Բարգավաճ Հայաստան» խմբակցության քարտուղար Արամ Սաֆարյանը հրաժարվեց ասել, թե որ կուսակցությունն է կառուցողական, որ կուսակցությունը՝ ոչ։ Նա միայն հավելեց, որ իր համար ընդունելին ոչ թե այն ընդդիմությունն է, որ հայտարարում է՝ ամեն ինչ վատ ու սխալ է, և պետք է քանդել, նորից կառուցել, այլ երբ պայքարի կառուցողական տարբերակին են միտված։
2008թ. նախագահական ընտրություններից հետո կոալիցիայի մաս կազմած «Օրինաց երկիր» խմբակցության ղեկավար Հեղինե Բիշարյանը ևս հրաժարվեց իրական ընդդիմադիր կուսակցությունների անունները տալուց՝ ասելով, որ հանրությո՛ւնն այդ գնահատականը պետք է տա։
-Թող մեկնաբանեն նրանք, ովքեր կասկածում են։ Ես որևէ մեկին չեմ կասկածում,- ասաց Հ. Բիշարյանը։
Փոխարենը կոալիցիոն մեկ այլ ներկայացուցիչ, ՀՀԿ խմբակցության անդամ Սուքիաս Ավետիսյանն անուններ տալուց չհրաժարվեց՝ միաժամանակ նշելով, որ ընդդիմություն է այն կուսակցությունը, որը կարողանում է կառուցողական առաջարկներ անել՝ այդպիսով օգնելով իշխանություններին վերացնել թերությունները, եթե այդպիսիք կան, ոչ թե այն կուսակցություններին, որոնք տարբեր միջազգային կառույցներում հանիրավի փնովում են իշխանություններին։
-Օրինակ այսօր շատ կառուցողական դիրքորոշումներ ունի Դաշնակցությունը, իսկ ապակառուցողական ու անազնիվ դրսևորումներով վերջերս ակտիվացել է հատկապես «Ժառանգություն» կուսակցությունը։ Մնացածները փորձում են դաշտում իրենց տեղը ցույց տալ որպես ընդդիմություն,- նշեց Ս. Ավետիսյանը։
Նման մեղադրանքները «Ժառանգություն» կուսակցության վարչության նախագահ Արմեն Մարտիրոսյանը համարում է անհիմն՝ ենթադրելով, որ այդօրինակ պնդումներ անողները հետին մտքեր ունեն։
-«Ժառանգությունը» մինչև այժմ իր քայլերով ապացուցել է, որ այսօր ներկայացնում է հասարակության ընդդիմադիր հատվածի շահը,- հայտարարեց Ա. Մարտիրոսյանը՝ հավելելով.
-Մեզ համար ակտուալ են մարտի 1-ի սպանությունների բացահայտումը և ներքին ժողովրդավարության հետ կապված հարցերը։ Մեզ համար նույն կերպ ուշադրության կենտրոնում են և կարևորագույն խնդիր ԼՂՀ-ի խաղաղ կարգավորման գործընթացի առաջընթացը և հայ-թուրքական հարաբերությունները։ Այս բոլոր հարցերում «Ժառանգությունը» հստակ ընդդիմադիր կեցվածքում է։ Այն քաղաքականությունը, որ իրականացնում են իշխանությունները և՛ ՀՀ-ում, և՛ արտաքին աշխարհում, մեզ համար ընդունելի չէ։
Փոխարենը ՀՅ Դաշնակցությունը, Ա. Մարտիրոսյանի խոսքերով, երբ դուրս եկավ կոալիցիայից, շատ հստակ հայտարարեց, որ իրենց վերապահումը բացառապես հայ-թուրքական հարաբերությունների կարգավորմանն է վերաբերում, իսկ ներքին քաղաքականության հետ կապված իշխանությունների հետ որևէ տարաձայնություն չունեն։
Այն տեսակետի հետ, որ «Ժառանգությունն» ապակառուցողական գործունեություն է ծավալում, ՀՅ Դաշնակցություն խմբակցության ղեկավար Վահան Հովհաննիսյանը չհամաձայնեց։ Ավելին, ասաց, որ ճիշտ չէ նման կերպ մոտենալ որևէ ընդդիմադիր կուսակցության, որը ներկայացված է խորհրդարանում։
-Ես չեմ կարող բացարձակապես խաչ դնել «Ժառանգության» իմ կոլեգաների խորհրդարանական գործունեության վրա։ Այլ հարց, որ մեր հասարակության մեջ և միա՛յն մեր հասարակության մեջ ընդհանրապես գոյություն ունի նման որակավորում՝ կառուցողական ընդդիմություն։ Ընդդիմությունն այլ կերպ չի էլ կարող լինել,- իր կարծիքը հայտնեց Վ. Հովհաննիսյանը՝ ավելացնելով.
-Եթե ոմանք կարծում են, որ ընդդիմության հիմնական անելիքը դա է՝ գոռալը, հայհոյելը, բարիկադներ կառուցելը, ուրեմն սխալ են հասկացել ընդդիմության հիմնական առաքելությունը։
Ի դեպ, խորհրդարանական ընդդիմության երկու ներկայացուցիչներն էլ համամիտ են, որ ինչպիսին իշխանությունն է, այնպիսին էլ դառնում է ընդդիմությունը և հակառակը։
Դա ընդունեց անգամ ԲՀԿ խմբակցության քարտուղար Արամ Սաֆարյանը՝ չհերքելով (առանց անուններ տալու), որ իշխանությունում էլ կան մարդիկ, ովքեր կառուցողական և ոչ կառուցողական գործունեություն են ծավալում.
-Իշխանությունում կան մարդիկ, գործիչներ, ովքեր ունեն կառուցողական մտածելակերպ, և մարդիկ, ովքեր ունեն կարծրատիպեր և առանձնապես չեն փայլում իրենց կառուցողականության պատրաստակամությամբ։
Իսկ ահա ՀՀԿ պատգամավոր Սուքիաս Ավետիսյանը թեև համաձայնեց, որ իշխանությունում էլ կան մարդիկ, ովքեր իրենց կարող են վատ դրսևորել, բայց չհամաձայնեց, որ ինչպիսին ընդդիմությունն է, այնպիսի իշխանություն էլ , կամ հակառակը, մենք այսօր ունենք Հայաստանում։
Արեգնազ Մանուկյան
Այս խորագրի վերջին նյութերը
- Սեպտեմբեր 01, 2010 14:15| Քաղաքական
- Գիտելիքը ո՞ւժ է, թե՞ քաղաքական գործիչ դառնալու համար շատ խելք պետք չէ
- Գիտելիքի, գրի և դպրության օրվա առիթով գործող իշխանությունները բազմապիսի հանդիպումների ժամանակ հայտարարում են, թե գիտելիքը ուժ է։ Այդ մասին սիրում է հատկապես խոսել Տիգրան Սարգսյանը։ Նրանից հետ չի մնում նաև ՀՀ նախագահ Սարգսյանը։ Պարզելու համար, թե որքանո՞վ են այս խոսքերն անկեղծ և համապատասխանում մերօրյա պաշտոնյաների պատկերացումներին, «7օր»-ը ուսումնասիրել է որոշ օրենսդիրների կենսագրականները, ովքեր հանդիսանում են Ս. Սարգսյանի և Տ. Սարգսյանի թիմակիցները։
- Օգոստոս 31, 2010 14:18| Քաղաքական
- Արմեն Ռուստամյան. «Մենք չենք համարում, թե «Երկիր Մեդիան» լրիվ այն է, ինչ որ մենք ենք ուզում»
- ՀՅԴ ԳՄ ներկայացուցիչ. «Դե, դա էլ մեր սխալն է, կաշխատենք, կուղղվի կամաց–կամաց...»։
- Օգոստոս 31, 2010 11:40| Քաղաքական
- Մեկ տարի առաջ...
- «Աբդուլահ Գյուլը 2009թ. կայանալիք Թուրքիայի և Հայաստանի ֆուտբոլային հավաքականների հանդիպումը դիտելու համար Ստամբուլ այցելելու պաշտոնական հրավեր է ուղարկում ՀՀ նախագահ Սերժ Սարգսյանին։ Վերջինս, սակայն հայտարարեց, թե ինքը հրավերը կընդունի միայն «ձեռք բերված պարտավորվածությունների կատարման դեպքում, այսինքն՝ Թուրքիա կմեկնի, եթե ունենանք բաց սահման կամ գտնվենք Հայաստանի ապաշրջափակման շեմին»։ Սահմանը չբացվեց...»։
- Օգոստոս 27, 2010 16:12| Քաղաքական
- Վահրամ Սահակյան. «Մեր կառավարությունում այդքան խելոք մարդ չկա»
- «Կառավարությունը եթե կարողանա այնպես անել, որ ինքն իրեն արդարացնի, այդ ժամանակ իրավունք կունենա նաև կիրառելու «բաժանի՛ր, որ տիրես» ղեկավարման տեսակը։ Այդ ժամանակ ոչինչ էլ չի լինի, բոլորին էլ կարելի է խաբել ու տեղը նստեցնել»։
- Օգոստոս 26, 2010 15:59| Քաղաքական
- Ալբերտ Բաղդասարյան. «Նորից օրհնվել է «սհաթը»»
- «Իշխանությունն իր դիրքերը պահելու համար հենվում է Ռուսասատնի վրա, ընդդիմությունն էլ՝ ՀԱԿ-ի գլխավորությամբ, կարծես այլընտրանք չի տեսնում, բացի նորից Ռուսաստանին ապավինելուց։ Կարծում եմ՝ ինչ-որ ժամանակ անցնելուց հետո կհասկացվի, որ նորից հույսը օտարի վրա դնելով, անգամ պաշտպանության բնագավառում, կոտրած տաշտակի առջև անպայման կանգնելու ենք»։
- 17:43 03-09-2010
- Հայաստան–Իռլանդիա` 0:1
- 17:38 03-09-2010
- Էդուրադ Սարիբեկյան. «Տիպիկ հայ–թուրքական ֆուտբոլային իրավիճակ է»
- 17:32 03-09-2010
- Վրաստանի վարչապետ. «Հայերն ու ադրբեջանցիները Վրաստանում չեն կռվում, այլ գինի են խմում»
- 17:24 03-09-2010
- Ֆլեշմոբ Երևանի Սիրահարների այգում' նվիրված «Տաթևի վերածնունդ» ծրագրին
- 17:23 03-09-2010
- Արցախի անկախության 19-րդ տարեդարձին նվիրված միջոցառում Բուենոս Այրեսում
- 17:03 03-09-2010
- Հրանտ Մարգարյան. «Մենք ընդդիմություն ենք նոր իշխանություններ ձևավորելու համար»
- 16:47 03-09-2010
- Էրդողանը և աղջիկները
- 16:26 03-09-2010
- Տեղի է ունեցել ԱԺ պետական-իրավական հարցերի մշտական հանձնաժողովի նիստը
- 16:11 03-09-2010
- Հրանտ Մարգարյան. «Հարցը պահին է վերաբերում»
- 16:04 03-09-2010
- Դ. Մեդվեդև. «ԼՂ հակամարտության շուրջ բանակցությունները պետք է ավելի արդյունավետ դառնան»
- 15:53 03-09-2010
- ՀԱԿ. «Մեզ այլ բան չի մնում, քան սկսել Ազատության հրապարակի վերանվաճման գործընթացը»
- 15:42 03-09-2010
- «Երևան ջուր» ընկերությունը տեղեկացնում է
- 15:31 03-09-2010
- Ուխտագնացություն դեպի Օշական
- 15:24 03-09-2010
- Թուրքերը Ռ. Հախվերդյանի երգերի հեղինակային իրավունքը գնելու առաջարկ չե՞ն արել
- 15:17 03-09-2010
- ՀԱԿ համակարգող. «Կարծում եմ՝ մեր պայքարն էլ Լևոն Տեր–Պետրոսյանի ելույթից հետո նոր ընթացք կստանա»
- 15:08 03-09-2010
- Հերթական նիստը' սեպտեմբերի 6-ին
- 15:07 03-09-2010
- Ռուսաստանն ու Ադրբեջանը ստորագրել են պետական սահմանի վերաբերյալ պայմանագիր
- 14:55 03-09-2010
- Սպասելով արտահերթ ընտրություններին...
- 13:57 03-09-2010
- Ռուբեն Հախվերդյան. «Իմ և դաշնակցական գաղափարների միջև երբեք չի կարող սև կատու անցնել»
- 13:56 03-09-2010
- Շավարշ Քոչարյան. «Ադրբեջանը միայն մեկ հնարավորություն ունի...»
Կայքի վերակառուցման նախագիծն իրականացվում է Բաց հասարակության ինստիտուտի օժանդակության հիմնադրամ-Հայաստանի ֆինանսական աջակցությամբ։
