Փորձագետ. «Միջազգային հանրության սպասումները կապված են Թուրքիայի հետ, ո՛չ Հայաստանի»
-Թուրքական թատրոնը նորություն չէ. այն սկսվել է դեռևս Ցյուրիխում արձանագրությունների ստորագրումից ի վեր,- «Հայացք» ակումբում լրագրողների հետ հանդիպման ժամանակ ասել է ՌԱՀՀԿ տնօրեն Ռիչարդ Կիրակոսյանը։
Ռ. Կիրակոսյանի համար հետաքրքրական է, որ Թուրքիան 6 օր սպասեց ՀՀ ՍԴ որոշմանն արձագանքելու համար, որից հետո փորձեց քաղաքական պատճառ ստեղծել արձանագրությունների վավերացումից հետ կանգնելու համար։
-Թուրքիան փորձում է մեղքը գցել Հայաստանի վրա, սակայն այս ռազմավարությունը չի աշխատի դեկտեմբերին և հունվարին կայացած երկու այցելությունների պատճառով։ Թուրք պաշտոնյաները նախ մեկնեցին Վաշինգտոն, այնուհետև՝ Մոսկվա։ Երկու անգամ էլ թուրքերը փորձում էին նախ ամերիկացիների, այնուհետև ռուսների օգնությունը ստանալ ղարաբաղյան հարցում առաջընթաց արձանագրելու առումով, սակայն դա չաշխատեց։ Թե՛ ռուսները, թե՛ ամերիկացիները նույն պատասխանը տվեցին՝ ոչ։
Ռ.Կիրակոսյանի կարծիքով, այսպիսով, թե՛ ԱՄՆ-ը, թե՛ Ռուսաստանը Թուրքիային նույն ուղերձը հղեցին։ Առաջին՝ Ղարաբաղն արդեն հանվել է արձանագրություններից և այլևս կապ չունի դրանց հետ, երկրորդ՝ թուրքերն իրենք են Ղարաբաղն արձանագրություններից հանել, և այլևս անհնար է Ղարաբաղը նորից վերադարձնել արձանագրություններ։
Երկու երկրները Թուրքիային հիշեցրեցին նաև, որ Թուրքիան պետք է վավերացնի արձանագրությունները ողջամիտ ժամկետներում. «Այսպիսով, ԱՄՆ-ի, Ռուսաստանի և միջազգային հանրության սպասումները կապված են Թուրքիայի հետ, ոչ Հայաստանի։ Բոլորը սպասում են միմիայն Թուրքիային»։
Նման քաղաքականությունից դրդված՝ Թուրքիան, Ռ.Կիրակոսյանի խոսքերով, փորձում է ձգձգել վավերացման գործընթացը, որը ժամանակավոր է և կտևի մինչև ապրիլի 24-ը։
Այդուհանդերձ, կապրեն արձանագրությունները, թե կմահանան, կախված է Թուրքիայի ներքին քաղաքականությունից, ինչը նշանակում է, որ Հայաստանը հիմա ոչինչ չի կարող անել արձանագրությունների ճակատագրի վրա ազդելու համար։
Նա նշել է, որ Թուրքիային չի հաջողվել մեղքը գցել Հայաստանի վրա, քանի որ Հայաստանը կանխեց դա. «Սակայն այն, ինչ պետք է հիմա անի Հայաստանը, Թուրքիային պատժելն է։ Եթե Թուրքիան ձախողի արձանագրությունները, Հայաստանը հնարավորություն ունի պատժելու և նույնիսկ վնասելու Թուրքիային»։
Նա նշել է նաև, որ հայ-թուրքական հարաբերությունների հարցն այն միակ հարցն է, որում համընկնում են թե՛ Ռուսաստանի, թե՛ ԱՄՆ-ի և թե՛ Եվրոպայի շահերը, հետևաբար երկարաժամկետ առումով կարող է ուժեղացնել Ցեղասպանության հարցը և ավելացնել ճնշումը Թուրքիայի վրա։ ԱՄՆ կոնգրեսը նորից կարող է դիտարկել Ցեղասպանության խնդիրը ոչ այնքան որպես կարևոր խնդիր, որքան Թուրքիային պատժելու լծակ։
Այնուամենայնիվ, Ռ.Կիրակոսյանն ասել է, որ Հայաստանի արձագանքը թուրքական թատրոնին բավական հետաքրքիր և հաջող էր։ ՀՀ ՍԴ որոշումն իրականում նորություն չէր, բացի Թուրքիայի արձագանքից։ Նա նշել է, որ Հայաստանի դիվանագիտությունն այս հարցում խելացի էր, քանի որ Թուրքիան փորձեց սադրանքի ենթարկել Հայաստանին, սակայն Հայաստանի նախագահը չփորձեց դա մեծ ճգնաժամի վերածել և նույնիսկ չպատասխանեց Թուրքիայի քննադատությանը։ Այս առումով Ռ.Կիրակոսյանն ասել է. «Թույլ տանք Թուրքիային՝ ինքն իրեն վնասի»։
Ռիչարդ Կիրակոսյանը համոզված է, որ փակուղուց դուրս գալու միակ ճանապարհն այն է, որ Թուրքիան փոխի իր քաղաքականությունը։ Հայաստանն այլևս ոչինչ չի կարող անել և չպետք է անի։ Այսպիսով, հաջորդ շաբաթ ճնշումները Թուրքիայի վրա ավելի կուժեղանան։
Արփի Բեգլարյան
Այս խորագրի վերջին նյութերը
- Մարտ 11, 2010 14:04| Տարածաշրջան
- Վերին Լարսի բացումը հայ–թուրքական գործընթացի հետ որևէ կապ չունի՞
- Հայաստանում Վրաստանի դեսպան. «Մենք ոչ ոքից և ոչնչից չենք վախեցել, և ամենակարևորը՝ մեզ բավարա- րում է եղբայրական Հայաստանի ու բարեկամական Թուրքիայի միջև ձեռք բերված ցանկացած պայմանագիր»։
- Մարտ 09, 2010 20:19| Տարածաշրջան
- Թոմաս դե Վաալ. «Խոսքը մեծ փաստաթղթի մասին չէ, այլ շրջանակային փաստաթղթի»
- «Ինչպես միշտ շրջանով պտտվում ենք և հասնում ենք Ղարաբաղի կարգավիճակի խնդրին։ Չեմ կարծում, որ Ադրբերջանն այս հարցում իր դիրքորոշումը փոխել է»։
- Մարտ 09, 2010 15:30| Տարածաշրջան
- Քաղաքագետ. «...փորձ է արվում համոզել, որ մոտ ապագայում պատերազմ չի լինի»
- «7 օր»–ի այն հարցին, թե հնարավո՞ր է՝ Ղարաբաղի հարցում մենք գիշերային որոշման ականատես լինենք, Լևոն Մելիք-Շահնազարյանը պատասխանել է, թե երկու պատճառով դա բացառում է…
- Մարտ 05, 2010 16:40| Տարածաշրջան
- ՀԴԿ նախագահ. «…նրանք պատրաստ են նաև պատերազմելու»
- Արամ Սարգսյանն ասել է, թե պետք է հասկանանք, որ Միացյալ Նահանգների կոնգրեսականները մեզ հստակ դաս տվեցին, թե ինչի համար է այս վավերացումն իրենց անհրաժեշտ։
- Մարտ 05, 2010 14:18| Տարածաշրջան
- Կիրո Մանոյան. «Երեկ բավական դժվարությամբ հայկական կողմը հաղթե՛ց»
- «Պարզ է, որ Թուրքիան չի՛ վավերացնելու արձանագրությունները։ Նա այս և նման բանաձևերը պարզապես որպես պատրվակ կարող է օգտագործել, և սա մեկ անգամ ևս առիթ է, որ Հայաստանն ասի, որ Թուրքիայի պատճառով տապալվել է այս արձանագրությունների վավերացման գործընթացը»։
- 10:47 12-03-2010
- Ռուսաստանի արտգործնախարարությունը մեկնաբանել է ղարաբաղյան բանակցությունները
- 10:35 12-03-2010
- Ամերիկացիները Բաղդադում սպանել են իրաքցի լրագրողուհուն և նրա ամուսնուն
- 09:46 12-03-2010
- Թուրքիան չեղյալ է հայտարարել Էրդողանի այցը Շվեդիա
- 09:43 12-03-2010
- Հայաստանը մասնակցում է Բեռլինի ITB-2010 զբոսաշրջային միջազգային ցուցահանդեսին
- 09:24 12-03-2010
- ՀԱԿ երիտասարդ ակտիվիստները վստահ են
- 08:43 12-03-2010
- Լևոն Տեր-Պետրոսյանը հանդիպել է ԵԱՀԿ ԽՎ նախագահի հետ
- 01:13 12-03-2010
- Շվեդիայի պառլամենտն ընդունեց Հայոց ցեղասպանությունը ճանաչող բանաձևը
- 18:13 11-03-2010
- Վաղը Հայաստան կժամանի Լեհաստանի վարչապետը
- 18:01 11-03-2010
- ԵԱՀԿ խոսքի ազատության և ԶԼՄ–ի հարցերով նոր ներկայացուցիչ է նշանակվել
- 17:39 11-03-2010
- Զ. Փոստանջյանի բողոքի վերաբերյալ որոշումը դատարանը կհրապարակվի մարտի 26-ին
- 17:29 11-03-2010
- Շիրակ Թորոսյան. «Վրաց պաշտոնյաները ծաղրում են մեզ»
- 17:25 11-03-2010
- «Ժառանգության» պատգամավորները հանդիպեցին Ժոաո Սոարեշի գլխավորած պատվիրակությանը
- 17:24 11-03-2010
- Դադարեցվել է Սուխուդյանի նկատմամբ քրեական հետապնդումը, հարուցվել է նոր քրեական գործ
- 16:39 11-03-2010
- Սոցիոլոգ. «Եթե մենք 1993, 1994, 1995 և 1996թթ. չպայթեցինք, հիմա առավել ևս չենք պայթի»
- 16:22 11-03-2010
- Աշոտ Մելքոնյան. «Ռուս գիտնականները, կոպիտ ասած, ադրբեջանցիների «մեյիդը փռել են»»
- 16:06 11-03-2010
- Բեռլինում ցուցադրվել է «Մոխիրն ու փյունիկը» փաստավավերագրական ֆիլմը
- 16:01 11-03-2010
- Գրիգոլ Տավատաձե. «Այն, ինչ տեղի է ունենում Վրաստանում, տեղի է ունենում նաև Ջավախքում»
- 15:28 11-03-2010
- Վահագն Խաչատրյան. «Ամբողջ տարին սրացումների մեջ ենք լինելու»
- 15:02 11-03-2010
- Հսկողություն միջնաժամկետ ծախսային ծրագրի նկատմամբ կամ հանձնարարականներ նախարարներին
- 15:01 11-03-2010
- ՀԱԿ անդամը նրան ճանաչում է որպես Թունելի Հակոբ
Կայքի վերակառուցման նախագիծն իրականացվում է Բաց հասարակության ինստիտուտի օժանդակության հիմնադրամ-Հայաստանի ֆինանսական աջակցությամբ։
