Չինացի նկարիչ և ակտիվիստ Այ Վեյվեյը լուսանկարվել է խեղդված փախստական փոքրիկի՝ Այլան Քուրդիի տեսքով։

«The Guardian»–ի փոխանցմամբ՝ 2015–ին Քուրդիի լուսանկարը դարձել էր սիրիացի փախստականների իրական վիճակի խորհրդանիշը։

Բնօրինակ լուսանկարն արվել է թուրքական Բոդրումից ոչ հեռու գտնվող ափի մոտ, պատճենը՝ Լեսբոս կղզու ափին, որտեղ Վեյվեյը ժամանել էր իր մի քանի նախագծերի համար։

Լուսանկարի հեղինակը Ռոհիթ Չոլան է։ Այն նկարվել է «India Today» ամսագրի և ցուցահանդեսի համար՝ «India Art Fair»–ի շրջանակներում։

Ավելի վաղ հայտնի էր դարձել, որ Այ Վեյվեյը փակել է Դանիայի իր ցուցահանդեսը ներգաղթյալների մասին այդ երկրի ընդունած նոր օրենքի պատճառով։

7or.am