Սինայական թերակղզում ահաբեկչության հետևանքով կործանված ռուսական А321 ինքնաթիռի բոլոր բեկորները հասցվել են Կահիրե։ Այս մասին, ТАСС–ի փոխանցմամբ, հաղորդել է Եգիպտոսի քաղավիացիայի նախարար Հուսիմ Քամալը։

Նախարարի խոսքով՝ Կահիրեի օդանավակայանում համապատասխան հանձնաժողովը կուսումնասիրի դրանք։

Հիշեցնենք՝ 2015թ. հոկտեմբերի 31–ին ռուսական «Կոգալիմավիա» ընկերության Airbus A321 օդանավը, որը Շարմ–էլ–Շեյխից թռչում էր Սանկտ Պետերբուրգ, պայթեց Սինայական թերակղզում։ Ինքնաթիռում գտնվող 217 ուղևորն ու անձնակազմի 7 անդամները զոհվեցին։

7or.am