Լրահոս

19.02.2016 14:00


Դատապարտյալին մեղադրանք է առաջադրվել՝ քրեակատարողական վարչության ծառայողներին անհիմն ծանր հանցագործության կատարման մեջ մեղադրելու համար

Դատապարտյալին մեղադրանք է առաջադրվել՝ քրեակատարողական վարչության ծառայողներին անհիմն ծանր հանցագործության կատարման մեջ մեղադրելու համար

ՀՀ հատուկ քննչական ծառայությունում քննվող քրեական գործի նախաքննության ընթացքում ՀՀ արդարադատությաննախարարության «Դատապարտյալների հիվանդանոց» քրեակատարողական հիմնարկի դատապարտյալ Արմեն Ն.-ինմեղադրանք է առաջադրվել:

Արմեն Ն.-ն մեղադրվում է այն բանի համար, որ նա իր նկատմամբ բռնություն գործադրելու վերաբերյալ ՀՀ մարդու իրավունքների պաշտպանին հասցեագրած դիմումի հիման վրա ՀՀ հատուկ քննչական ծառայությունում նյութերի նախապատրաստման ընթացքում, 2015 թվականի մայիսի 25-ին ՀՀ ԱՆ «Դատապարտյալների հիվանդանոց» քրեակատարողական հիմնարկում, նախազգուշացված լինելով ակնհայտ սուտ մատնություն կատարելու համար ՀՀ քրեական օրենսգրքի 333-րդ հոդվածով նախատեսված քրեական պատասխանատվության մասին, գիտակցելով, որ իր տրամադրած տեղեկությունները կեղծ են, չեն համապատասխանում իրականությանը, ՀՀ ԱՆ քրեակատարողական վարչության ծառայողներին հանիրավի մեղադրել է բռնություն գործադրելով պաշտոնեական լիազորություններն անցնելու՝ ՀՀ քրեական օրենսգրքի 309-րդ հոդվածի 2-րդ մասով նախատեսված ծանր հանցագործության կատարման մեջ:

Վերջինս հաղորդում էր տվել այն մասին, թե, իբր, 2015 թվականի ապրիլի 18-ին ՀՀ ԱՆ «Դատապարտյալների հիվանդանոց» քրեակատարողական հիմնարկի վարչական շենքում հիշյալ վարչության ծառայողներն իրեն ծեծի են ենթարկել՝ պատճառելով մարմնական վնասվածքներ:

Արմեն Ն.-ին մեղադրանք է առաջադրվել ՀՀ քրեական օրենսգրքի 333-րդ հոդվածի 2-րդ մասի 1-ին կետով:

Նախաքննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ՀՀ հատուկ քննչական ծառայության

լրատվական ծառայություն

Այս խորագրի վերջին նյութերը