Աշխարհ

16.03.2016 17:40


Լավրով. «Թուրքիայի գործողությունները խոչընդոտում են Սիրիայի հակամարտության կարգավորմանը»

Լավրով. «Թուրքիայի գործողությունները խոչընդոտում են Սիրիայի հակամարտության կարգավորմանը»

Թուրքիայի գործողությունները խոչընդոտում են Սիրիայի հակամարտության կարգավորմանն ուղղված ջանքերին: Այս մասին, «ria.ru»–ի փոխանցմամբ, հայտնել է ՌԴ ԱԳՆ ղեկավար Սերգեյ Լավրովը։

«Թուրքիայի գործողություններն իրականում ձախողում են և՛ հրադադարի, և՛ հումանիտար օգնության մատակարարման, և՛ քաղաքական գործըթնաց սկսելու հարցերում ձեռնարկվող ջանքերը, որոնք հավանության են արժանացել ՄԱԿ ԱԽ կողմից»,- լրագրողներին ասել է Լավրովը՝ միջազգային հանրությանը կոչ անելով արձագանքել ստեղծված իրավիճակին:

Լավրովը նաև ընդգծել է՝ Թուրքիան խախտում է Իրաքի ու Սիրիայի ինքնիշխանությունն ու տարածքային ամբողջականությունը:

«Մենք տեղյակ ենք Իրաքի տարածքում թուրքական զինված ուժերի գործողությունների, Սիրիայում քրդական աշխարհազորի դիրքերին Թուրքիայի տարածքից իրականացվող գնդակոծությունների մասին»,- նշել է նախարարը։

7or.am

Այս խորագրի վերջին նյութերը