Աշխարհ

21.03.2016 19:00


Պարզվել է՝ ինչու են մարդիկ համբուրվելու ժամանակ փակում աչքերը

Պարզվել է՝ ինչու են մարդիկ համբուրվելու ժամանակ փակում աչքերը

Ուշագրավ բացահայտում են արել Մեծ Բրիտանիայի գիտնականները, ովքեր պարզել են՝ ինչու են մարդիկ փակ աչքերով համբուրվում:

«Journal of Experimental Psychology» ամսագրում տպագրված հոդվածի համաձայն՝ համբույրի ժամանակ մարդիկ փակում են իրենց աչքերը, որովհետև տեսողությունը խանգարում է մեր ուղեղին ամբողջովին վերլուծել համբույրի ժամանակ առաջացող շոշափողական զգացողությունները, ինչը նվազեցնում է համբուրվելու ժամանակ առաջացող տպավորությունները:

Լոնդոնի համալսարանի գիտնական Սանդրա Մերֆին և նրա գործընկեր Փոլլի Դալթոնը մի շարք ուսումնասիրություններ են իրականացրել, որոնց մասնակցել է 16 կամավոր:

Ուսումնասիրությունների ժամանակ ուսանող կամավորները միաժամանակ լուծում էին շոշափողական և տեսողական խնդիրները: Փորձի ժամանակ կամավորների ձեռքին ամրացրել են հատուկ վիբրացիոն սարքեր՝ միաժամանակ առաջարկելով համակարգչի էկրանի վրա հայտնվող խնդիրներ լուծել: Խնդիրը լուծելու ընթացքում գիտնականները միացնում էին վիբրացիոն սարքերը՝ հետևելով մարդկանց արձագանքին:

Արդյունքում պարզվել է՝ որքան ավելի բարդ էր տեսողական խնդիրը, այնքան ավելի քիչ են շոշափողական զգացողությունները: Ոմանք նույնսիկ խոստովանել են, որ ընդհանրապես չեն զգացել վիբրացիաները և շոշափողական մյուս խթանները:

7or.am

Այս խորագրի վերջին նյութերը