Լևոն Յոլյանը չգիտի, թե որքան գազ է ներկրվելու Իրանից, և ինչ գնով

● Տնտեսական

31.03.2016 ● 15:25

Լևոն Յոլյանը չգիտի, թե որքան գազ է ներկրվելու Իրանից, և ինչ գնով

Իրանին սահմանամերձ երկու համայնքներում՝ Ագարակում և Մեղրիում, գազի բաշխման ցանց է կառուցվում: Ծրագիրն իրականացվում է դրամաշնորհի միջոցով, որը պայմանավորված է 2011 թվականին Հայաստանի և Իրանի կառավարությունների միջև ստորագրված հուշագրով:
Այս մասին այսօր լրագրողների հետ զրույցում ասել է հանրապետության էներգետիկայի և բնական պաշարների նախարար Լևոն Յոլյանը:
Հարցին, թե բաշխիչ ցանցի կառուցումն ինչու է վերահսկվում ռուսական ընկերության կողմից, նախարարը պատասխանել է, որ պարզապես «Գազարդ Հայաստանը» միակ մասնագիտական կառույցն է, որը հայկական կողմից կվերահսկի տեխնիկական կատարման մակարդակը:

Հարցին, թե տարեկան քանի խմ գազ կներկրվի Իրանից այդ երկու համայնքների սպառման համար, նախարարը պատասխան չուներ.

«Թող ծրագիրն իրակականա, սպառումը ցույց կտա, թե որքան գազ է սպառվում երկու համայնքների համար»:

Իրանական գազի գնի վերաբերյալ հարցին ևս նախարարը պատասխան չուներ.

«Շինարարությունը ավարտվի… դուք տեսնում եք՝ ամեն ինչ դինամիկ պրոցեսի մեջ է և՛ ռուսական կողմի հետ, և՛ Իրանի հետ, դուք ինձնից կանխատեսումներ եք ուզում»:

Դիտարկամանը, թե ոչ թե կանխատեսման մասին է հարցը, այլ նախահաշվարկների, Յոլյանն ասել է. «Նորից բացատրեմ, որ երկու համայնքների համար գազի բաշխիչ ցանցի է կառուցվում»:

Հարցին, թե արդյոք նախահաշվարկ չի՞ արվել, թե ինչ հզորոթյան բաշխիչ ցանց է, որքա՞ն գազ է սպառվելու, որքա՞ն է կազմելու գազի սակագինը, նախարարը, ըստ էության, պատասխան չուներ. «Նույնը հարցը չորրորդ անգամ տալիս եք, հասնենք բնակչին, այդ դեպքում…»:

Հարցին, թե հնարավո՞ր է՝ թանկ սակագին է սահմանվում, ինչի հետ բնակիչը համամիտ չէ, նախարարը հարցրեց. «Մինչև հիմա առանց գազի ինքը ի՞նչ է անում»:

Անդրադառնալով գազի սակագնի՝ 10 դրամով նվազմանը, նախարարն ասաց, որ իրեն նման բան չեն ասել:
Դիտարկմանը, թե Հայաստանը խեղճանում է, և միջազգային շուկայում գազի և նավթի սակագների նվազեցմանը զուգահեռ՝ պահանջներ չի ներկայացնում ռուսական կողմին, Յոլյանը չհամաձայնեց.

«Ինչո՞վ է խեղճանում Հայաստանը: Հայաստանը բանակացային կողմ է այդ դաշտում, ինչո՞ւ է խեղճանում, ես խեղճացող չեմ. անգամ ձեր առաջ չեմ խեղճանում»

Հարցին, թե գազի սակագինը ռուսական ռուբլով վճարելու տարբերակը քննարկվո՞ւմ է, Յոլյանը հորդորեց համբերել։

Ինչ վերաբերում է «Նաիրիտի» աշխատակիցների հետ հանդիպմանը, նախարարն ասաց, որ տեղի է ունեցել «Նաիրիտի» կոլեկտիվի կողմից լիազորված անձանց հետ հանդիպում, որի ընթացքում ինքը «Նաիրիտի» աշխատակիցներին խնդրել է տեղեկացնել այն կազմակերպությունների մասին, որոնց կարող են դիմել «Նաիրիտի» հարցով.

«Իրենց իրավունք է տրվել անձամբ կապի մեջ մտնել պոտենցիալ ներդրողի հետ: Բավարարված կլինեմ այն դեպքում, երբ խնդիրները կլուծվեն իմ ցանկությամբ և իմ կանխատեսմամբ»:

«Zham.am»

● Այս խորագրի վերջին նյութերը

Ներկայիս իշխանություններն առաջնորդվում են «մեզնից հետո թեկուզ ջրհեղեղ» տարբերակով. «Փաստ»

11.04.2024 ● 13:40

Այսինքն, ինչո՞ւ սոսկ տպավորություն. անցած վեց տարին հենց դա է ցույց տալիս...։

21 պայմանագրից 16-ը մեկ անձից գնման ընթացակարգով է ձեռք բերվել․ 27 մլն դրամ Արդարադատության նախարարության սպասարկման համար․ «Ժողովուրդ»

11.04.2024 ● 11:59

Մեկ անձից գնումների միջոցով չարաշահումները Հայաստանում կարծես արմատավորվում են։

250 մլն դրամ ՀՀ շրջակա միջավայրի նախարարությանը ենթակա ՊՈԱԿ-ին. «Ժողովուրդ»

10.04.2024 ● 09:35

Երևանում, ծառերի սպանդին զուգահեռ, ոչ մի անգամ այս կառույցը չդրսևորեց իր գոյության արդարացումը

Ավելի քան 4,5 մլն դրամ․ Ֆինանսների նախարարության թանկարժեք «հիգիենան». «Ժողովուրդ»

09.04.2024 ● 10:26

Այս ծառայությունը ձեռք է բերվել հրատապ՝ մեկ անձից գնման ընթացակարգով։

Վարկային «տենդի» մեջ են

08.04.2024 ● 11:54

Երկու ամսում ավելի քան 100 մլն դոլարով կառավարության պարտքն ավելացրել են։

177.390.000 եվրո. Հայաստանի պետական պարտքը կրկին ավելանում է

05.04.2024 ● 13:07

Երկու վարկերն էլ կտրամադրվեն Երևանի քաղաքապետարանին:

Հնարավոր է` ՌԴ-ն ու Իրանն առաջիկայում նոր պայմանագիր ստորագրեն. Զատուլին

Ո՞նց կարելի է դավաճանությունը ներկայացնել որպես փրկություն. գնդակահարության արժանի է այդ իշխանությունը. Աջապահյան (տեսանյութ)

Ադրբեջանը քանդել է Շուշիի Կանաչ ժամը (լուսանկար)

● Տնտեսական