«eBay»-ում հայտարարություն է տեղադրվել Մեծ Բրիտանիայի վարչապետ Դևիդ Քեմերոնի վաճառքի մասին: «Mashable»-ի փոխանցմամբ՝ լոտի նկարագրման մեջ նշված է, որ «քաղաքական գործիչն այլևս պետք չէ», և որ «վարչապետն օգտագործված է և վաճառվում առանց տուփի ու օգտագործման կանոնների»:

Աղբյուրի փոխանցմամբ՝ որոշ ժամանակ անց հայտարարությունը հեռացվել է, սակայն նրան արձագանքել է ավելի քան 150 մարդ, իսկ առավելագույն գինը հասել է գրեթե 66 հազ ֆունտի:

Նշվում է, որ Քեմերոնի հասցեին քննադատությունն աճել է օֆշորային սկանդալի ֆոնին, իսկ անցած հանգստյան օրերին Լոնդոնում տեղի է ունեցել բողոքի ցույց, որի մասնակիցները Քեմերոնի հրաժարականն էին պահանջում:

7or.am