Մայիսի 21–ին Հայաստանում կանցկացվի«Թանգարանների գիշեր» միջոցառումը, որն իրականացվում է Մշակութային ժառանգության պահպանության բնագավառում ամենահին միջազգային կազմակերպություններից մեկի` Թանգարանների միջազգային խորհրդի առաջարկով:

«Թանգարանային գիշերը» միջազգային ակցիա է, որի հիմնական նպատակն է բարձրացնել թանգարանների դերը հասարակության սոցիալ-մշակութային կյանքում, ցույց տալ ժամանակակից թանգարանների ռեսուրսները, հնարավորություններն ու պոտենցիալը՝ թանգարանների և թանգարանային գործի հանրայնացման նպատակով։

«Թանգարանների գիշեր» ծրագիրը մեկնարկել է 2005 թվականից՝ ԻԿՕՄ-ի, ՅՈՒՆԵՍԿՕ-ի և Եվրախորհրդի հովանավորությամբ: Առաջին անգամ այն անցկացվել է Բեռլինում 1997թ., ավելի ուշ այդ նախաձեռնությունը որդեգրեցին նաև Ֆրանսիան ու մյուս երկրները։

Միջոցառմանն այս տարի մասնակցում է Հայաստանում գործող շուրջ 112 թանգարան։

7or.am