Ուշագրավ դեպք է տեղի ունեցել Ֆրանսիա-Քուվեյթ թռիչքն իրականացնող օդանավում: Ինչպես տեղեկացնում է «Լայֆ»-ը՝ հունական ԶԼՄ-ին հղումով, դեպքը տեղի է ունեցել «EgyptAir» ավիաընկերության ինքնաթիռի անհետացումից մոտ 15 ժամ անց:

Աղբյուրի փոխանցմամբ՝ «Boeing 737»-ի անձնակազմը դադարեցրել է պատասխանել Իտալիայի և Հունաստանի ավիակարգավարների ազդանշաններին: Արդյունքում՝ մտավախություն ունենալով, որ ինքնաթիռը գերեվարվել է ահաբեկիչների կողմից, Կրետե կղզում գտնվող բազայից օդ է բարձրացել երկու «F-16» կործանիչ:

Երբ ինքնաթիռի ուղևորները նկատել են, որ իրենց հետևում են կործանիչները, բորտուղեկցուհիներն ուղևորվել են օդաչուների խցիկ՝ պարզելու ստեղծված իրավիճակը: Սակայն երբ նրանք մուտք են գործել խցիկ, պարզվել է, որ օդաչուները քնած են:

Նշվում է, որ այդ պահին ինքնաթիռում 140 մարդ կար:

7or.am