Զբոսաշրջիկները որոշել են ստուգել Չինաստանի Հունան նահանգում գտնվող աշխարհի ամենաերկար ապակե կամրջի ամրությունը։ Ավելի քան 30 տեղի բնակիչ և զբոսաշրջիկ 5,5կգ քաշ ունեցող կռանով փորձել են կոտրել կառույցի թափանցիկ հատակը, որը տեղակայված է մոտավորապես 300մ բարձրության վրա։ Այս մասին հաղորդում է «Daily Record»–ը։

Տեսանյութում պատկերված փորձությունը տեղի է ունեցել հունիսի 25–ին։ Հարվածներից ապակե հատակին ճաքեր են առաջացել, սակայն կառույցը դիմակայել է։ Այնուհետև կամրջի 430 մ երկայնքով անցել է 2տ քաշ ունեցող մեքենա։ Փորձությունները ցույց են տվել, որ մարդիկ առանց վախենալու կարող են անցնել ապակե կամրջով։

7or.am