Լրագրողների հետ հանդիպման ժամանակ «Հանրապետություն» կուսակցության քաղաքական խորհրդի անդամ Սուրեն Սուրենյանցը, խոսելով ՍԴՀԿ-ում տեղի ունեցող իրադարձությունների մասին, ասել է, որ Լյուդմիլա Սարգսյանը մեկ տարի առաջ է սխալ արել։

-Դժվար է պատկերացնել մի միջավայր, որտեղ գործում է Վահան Շիրխանյանը, և այդ միջավայրում պրոբլեմներ չլինեն։ Ես համաձայն եմ ՀԱԿ-ի դիրքորոշման հետ և Լյուդմիլա Սարգսյանին շատ սկզբունքային կին եմ համարում, որի հետ համագործակցությունը միշտ հաճելի է։ Ինչ վերաբերում է Սեդրակ Աճեմյանին, ասեմ, որ նա ՀՀ-ի ներքին կյանքին միջամտելու իրավունք չունի, և ժամանակն է, որ Հայաստանի իշխանություններն այդ պարոնին ցույց տան այն երկրի տեղը, որտեղից եկել է։ ՀՀ քաղաքական կյանքին միջամտելու իրավունք ունեն միայն ՀՀ քաղաքացիները,-ասել է նա։

Այս կապակցությամբ ՍԴՀԿ-ից տեղեկացրել են, որ Սուրենյանցի հայտարարություններին լուրջ չեն վերաբերվում: Ինչ վերաբերում է Վահան Շիրխանյանի և Սեդրակ Աճեմյանի մասին Սուրենյանցի հայտնած կարծիքին, ՍԴՀԿ-ից ասել են, որ ՍԴՀԿ կենտրոնական վարչության անդամը չի կարող իջնել այդ մակարդակին և որևէ մեկնաբանություն տալ։

ՍԴՀԿ «Սարգիս Տխրունի» ուսանողական-երիտասարդական միության անդամ Ռոման Ծատինյանը, սակայն, այնուամենայնիվ մեկնաբանել է դա և խորհուրդ տվել Սուրենյանցին զբաղվել սեփական խնդիրներով ու «քիթը չմտցնել Հնչակյան կուսակցության գործերի մեջ»։

7or.am