Լրահոս

27.01.2010 09:53


Խորհրդակցություն ՀՀ պաշտպանության նախարարությունում

Հունվարի 26-ին ՀՀ պաշտպանության նախարարությունում տեղի է ունեցել ՀՀ պաշտպանական բարեփոխումների ուղղությամբ 2009թ. կատարված աշխատանքների և 2010թ. առաջնահերթ խնդիրների վերաբերյալ խորհրդակցություն, որը վարել է ՀՀ պաշտպանության նախարար Ս.Օհանյանը:

Քննարկվել են ՀՀ ԶՈւ կառավարման համակարգի վերանայմանը, բարեփոխումների հայեցա­կար­գային և օրենսդրական ապահովմանը, անձնակազմի կրթությանը և վերա­պատ­րաստմանը, պաշտպանական պլանավոր­ման ու բյուջետավորման համակարգի բարեփոխմանը և այլ ոլորտներին վերաբերող հարցեր:

Քննարկումների ընթացքում հատուկ ուշադրություն է դարձվել պաշտպանության ռազմավարական վերանայման և ռազմավարական պլանավորման խնդիրներին:

ՀՀ պաշտպանության նախարար Ս. Օհանյանը նշել է, որ պաշտպանական բարեփոխումները մոտեցել են այնպիսի փուլի, երբ պետք է անդրադառնալ բուն զորային կառույցի, նրա կառուցվածքի, մարտական պատրաստականության վիճակի բարելավման, ռազմավարական և օպերատիվ պլանավորման խնդիրներին:

ՀՀ ՊՆ տեղեկատվության և հասարակայնության հետ կապերի վարչություն

Այս խորագրի վերջին նյութերը