Լրահոս

27.01.2010 11:36


ԵԽԽՎ նախագահ. «ԼՂ հակամարտությունը տարածաշրջանային կայունության գլխավոր խոչընդոտն է»

ԵԽԽՎ նախագահ. «ԼՂ հակամարտությունը տարածաշրջանային կայունության գլխավոր խոչընդոտն է»

«Տարածաշրջանում կայունության ապահովման գործում ղարաբաղյան հակամարտությունը գլխավոր խոչընդոտն է»,-այդ մասին «Trend News»-ին տված հարցազրույցում ասել է Եվրոպայի խորհրդի խորհրդարանական վեհաժողովի(ԵԽԽՎ) նորանշանակ նախագահ, ազգությամբ թուրք Մովլուդ Չավուշօղլուն։ Նա նշել է, որ ղարաբաղյան հակամարտության վերաբերյալ կան ԵԽԽՎ համապատասխան որոշումներ, և դրանք պետք է իրագործվեն։ «Ղարաբաղյան հիմնախնդրի վերաբերյալ ԵԽԽՎ որոշումները պետք է կյանքի կոչվեն։ Բացի այդ, ԵԱՀԿ Մինսկի խումբը պետք է ակտիվացնի իր գործունեությունը, որպեսզի հակամարտությունը մոտ ապագայում լուծվի, քանի որ այն տարածաշրջանային կայունության գլխավոր խոչընդոտն է։ ԵԽԽՎ-ն ևս պետք է այս ուղղությամբ աշխատի։ Մենք հիմնախնդրի վերաբերյալ ունենք ընդունված բանաձևեր։ Որպես Եվրոպայի խորհուրդ՝ մենք լուրջ աջակցություն պետք է ցուցաբերենք հաշտեցման գործընթացին, հակամարտության կարգավորմանը»,- ասել է ԵԽԽՎ նախագահը։

 

Այս խորագրի վերջին նյութերը