Դերասանուհի Մերիլ Սթրիփը «Ոսկե գլոբուս» մրցանակաբաշխության պարգևատրման արարողության ժամանակ իր ելույթում կտրուկ քննադատություններով է հանդես եկել ԱՄՆ ընտրված նախագահ Դոնալդ Թրամփի հասցեին։ Այս մասին հայտնում է «Reuters»–ը։

Սթրիփը հատկապես ընդգծել է այն դեպքը, երբ Թրամփը նմանակել է «New York Times»–ի՝ հաշմանդամություն ունեցող թղթակից Սերժ Կովալեսկիին։ Դերասանուհին նշել է, որ այդ տարի ականատես է եղել «շատ ուժեղ ելույթների», սակայն վերջինս ապշեցրել է նրան և դիպել սրտին։

Դերասանուհին նաև նշել է, որ այդ միջադեպը «կոտրել է իր սիրտը», քանի որ դա «ոչ թե կինո էր, այլ իրական կյանք»։

7or.am