Դեմոկրատական կուսակցությունից ԱՄՆ նախագահի նախկին թեկնածու Հիլարի Քլինթոնը, որն ընտրություններում պարտվեց հանրապետական Դոնալդ Թրամփին, չի մասնակցի ոչ Նյու Յորքի քաղաքագլխի և ոչ էլ որևէ այլ ընտրության: Այս մասին CNN–ին հայտարարել է Քլինթոնի վստահված անձը՝ Նիրա Թանդենը:

«Կարծում եմ, որ նա երեխաներին ու ընտանիքներին օգնելու ուղիներ է փնտրում: Դա այն է, ինչի վրա կենտրոնացած էր նրա ողջ կյանքը… Ես չեմ կարծում, որ նա երբևէ նորից կմասնակցի ընտրությունների»,-ասել է Թանդենը:

Նշենք, որ «New York Daily News»-ն ավելի վաղ հայտնել էր, որ Քլինթոնը դիտարկում է Նյու Յորքի քաղաքագլխի պաշտոնում ընտրվելու հնարավորությունը:

7or.am