Ինչպես ցույց է տալիս փորձը, աշխարհիկ միջոցառումներին ներկայանալու ամենալավ և ամենաանպարտելի տարբերակը դասական զգեստներն են։ Ոչ տարօրինակ աքսեսուարները, ոչ էլ «մերկ» զգեստները չեն կարող երաշխավորել կերպարի կատարյալ լինելը, իսկ չափի մեջ սեքսուալ և շքեղ դասական տարբերակը միշտ էլ ոգևորությամբ է ընդունվում։ Դրա վառ ապացույցն է դարձել «Ոսկե գլոբուս–2017»–ի կարմիր գորգի վրա վերջերս երկրորդ անգամ մայրացած դերասանուհի Բլեք Լայվլիի հայտնությունը։ Զգեստի հարցով նա դիմել է Դոնաթելլա Վերսաչեին՝ ընտրելով սև թավշյա հանդերձանք՝ երկայնափեշ և մետաղազոծ կտորներով. այս մասին հայտնում է «Elle»–ն։ Նորաձևության քննադատները Բլեք Լայվլիի զգեստը ճանաչել են ամենահաջողվածը կարմիր գորգին հայտնված բոլոր մյուս աստղերի զգեստներից։

7or.am