2015 թ. Նորք Մարաշում վնասազերծված զինված խմբի գործով դատական նիստն այսօր արդեն երրորդ անգամ հետաձգվեց, քանի որ Պաշտպանության նախկին փոխնախարար Վահան Շիրխանյանը չէր ներկայացվել դատարան։ Երևանի Կենտրոն և Նորք Մարաշ վարչական շրջանների ընդհանուր իրավասության դատարանի դատավոր Արմեն Բեկթաշյանն ընթերցեց ՔԿՀ-ի գրությունը, ըստ որի՝ Վահան Շիրխանյանը հրաժարվել է դուրս գալ խցից և ներկայանալ դատարան։ Այս մասին հաղորևդում է «Ա1+»-ի թղթակիցը դատարանից։

Վահան Շիրխանյանի պաշտպան Հայկ Ալումյանը դատարանին կրկին տեղեկացրեց, որ Վահան Շիրխանյանը չի հրաժարվում մասնակցել դատական նիստերին, պարզապես նրա ներկայությունն ապահովելու համար պատգարակ է անհրաժեշտ։

Պաշտպան Ինեսա Պետրոսյանն էլ դատարանին միջնորդեց 1 ժամով հետաձգել դատական նիստը և պատգարակով նրան տեղափոել դատարան, սակայն դատավորը միջնորդությունը չքննեց, և դատական նիստը հետաձգեց մինչև հունվարի 27-ը։