Տնտեսական

12.04.2017 14:10


Զատկի տոնին մոտ օրերին թանկացումներ կլինեն

Զատկի տոնին մոտ օրերին թանկացումներ կլինեն

Հաշվի առնելով նախորդ տարիների փորձը՝ Զատկի տոնին մոտ օրերին հնարավոր են թանկացումներ։ Այսօր լրագրողների հետ զրույցում այս մասին հայտնել է Հայաստանի Սպառողների միության նախագահ Արմեն Պողոսյանը: Վերջինը նշել է՝ ձվերի գնի մեծ թռիչք դեռևս չի նկատվել:

«Գները թանկանում են միշտ և բոլոր տեղերում, սակայն դրանք պետք է բարձրանան եկամուտների բարձրացմանը զուգահեռ»,- նշել է բանախոսը։

Պողոսյանի խոսքով՝ գները չպետք է գերազանցնեն չորս տոկոսն ամբողջ տարվա ընթացքում, սակայն ամբողջ տարվա մեջ մի քանի անգամ ապրանքների սակագներն անցնում են այդ շեմը:

«Եթե մեր ձայնը հնչում էլ է, մնում է անպատասխան»,–ասել է Պողոսյանը՝ հավելելով, որ մի քանի օր առաջ տասը տոկոսով թանկացել են շաքարը, շաքարավազը, հացը, ալյուրը, քաղցրավենիքը և այլ մթերքներ։

7or.am

Այս խորագրի վերջին նյութերը