Հարցազրույց ՀՀ ԱԺ տնտեսական հարցերի մշտական հանձնաժողովի նախագահ Վարդան Այվազյանի հետ

-Ինչպե՞ս եք գնահատում Գագիկ Բեգլարյանի հրաժարականը:

-Նորմալ: Դա ես չպետք է գնահատեմ: Պարոն Բեգլարյանը քանի որ իրականացրել է որոշակի գործառույթներ, որոնց ես ծանոթ եմ այնքանով, որքանով լրատվությունն է ներկայացրել, իսկ լրատվությունը շատ դեպքերում տալիս է իրարամերժ լուրեր, բայց կարծում եմ ինքն է տվել հրաժարական, որովհետև այն ինչ տեղի է ունեցել, համենայն դեպս ինքը գնահատել է ոչ հարիր իր զբաղեցրած պաշտոնին և քաղաքական իմիջին: Որպես գործընկեր, որպես նաև կուսակից ընկեր  ասեմ, որ Բեգլարյանը ճիշտ քաղաքական որոշում է կայացրել: Ուրեմն նա նպատակահարմար է գտել, որ հրաժարական է տվել:

-Ինչպե՞ս եք գնահատում նրա գործունեությունը քաղաքապետի պաշտոնում:

-Դրական եմ գնահատում, որովհետև իրականացվել են դրական փոփոխություններ, քաղաքում իրականացվում է համայնքային խնդիրների լուծման անհրաժեշտ գործառույթները և ՏԻՄ-ը որպես միասնական համակարգ ցույց տվեց իր արդյունավետ լինելու տարբերակը, քան մարզի կարգավիճակում:

-Գ.Բեգլարյանի հրաժարականը, Ձեր կարծիքով, քաղաքակա՞ն որոշում էր, թե՞ ինչ-ր անձնական խնդիր էր:

-Տվյալ պաշտոնի անձնավորությունը քաղաքական և անձնական որոշումները միաձուլված են իրար, չեն կարող տարբերվել:

-Անցնենք այլ հարցերի։ Պարոն Այվազյան, այսօր Ազգային ժողովը արտահերթ նիստ է գումարել, քննարկելու համար մի շարք կարևորագույն հարցեր: Ինչպե՞ս եք վերաբերվում այդ խնդիրները նման կարգով քննարկելուն:

-Այո, շատ կարևոր հարցեր կան քննարկելու: Հիմա ինքս, տեսնում եք, նստած ուսումնասիրում եմ ընդերքի մասին, տնտեսական մրցակցության, առևտրի և ծառայությունների մասին, հարկերի մասին, մաքսային օրենսգրիք փոփոխությունները: Բյուջետային գործընթացի ավարտից հետո և տարվա սկզբին ցանկացած պարագայում, դեռ չեմ տեսել մի տարի, որ չլինի նոր օրենքների ընդունման փաթեթ, որոնք ամբողջ տարվա ընթացքում վերջում իմի են բերվում և ներկայացվում է տարվա կատարված աշխատանքի արդյունքների վրա որոշակի եզրահանգումներով օրենսդրական փաթեթներ են ի հայտ գալիս: Բացի դրանից ունենք մոտ 100մլրդ դրամի ավելացում բյուջետային մուտքերի մեջ, տնտեսական աճը պետք է արտացոլված լինի բյուջետային գործընթացում, մեխանիզմների հստակեցում, պարզեցմանը զուգընթաց գնում է նաև վարչարարության մոդելների նոր կատարելագործված ձևերի կիրառում, ինը նաև բերում է այս օրենսդրական ամբողջ այս փաթեթների ներկայացմանը:

-Որքանո՞վ եք այդուհանդերձ ճիշտ համարում այդ հարցերի արտահերթ քննարկումը:

-Հարցն այն է, որ  ինչ չենք կարողացել իրականացնել սովորական օրակարգում, զուտ ժամանակային առումով, որոնք շատ անհրաժեշտ են եղել կառավարությանը, հիմա ենք քննարկում: Դեռ որոշված էլ չի, թե քանի օր է տևելու արտահերթ նստաշրջանը: Նոր օրենսդրական փաթեթներն այդքան էլ նոր չեն եկել, դրանք նախկին օրենսդրական փաթեթներն են, որոնք մնացել էին քառօրյայի օրակարգում և մենք չենք հասցրել քննարկել: Մեր ներկայացրած օրենսդրական այս փաթեթների կեսից ավելին երկրորդ ընթերցման ռեժիմներում են, այսինքն առաջին ընթերցում անցել են, օրենքի կիրառումը սկսվում է 2011թ. հունվարի 1-ից, իսկ օրենքը դեռ պատրաստ չէ: Չենք հասցրել, որովհետև ելույթները շատ են եղել, արտահայտվողները շատ են եղել, դրա մասին քննարկումները շատ են եղել, օրինակ, առևտրի և գնումների մասին օրենքը մենք քննարկում ենք ուղիղ 1 տարի:

-Շատ է նաև խոսվում, որ վերջերս ներկայացվող տնտեսական բնույթի օրենսդրական նախաձեռնությունները մեծ մասամբ բխում են ներմուծողների շահերից:

-Չեմ կարող նմանատիպ պնդում անել: Հարցն ուղղակի նրան է վերաբերում, որ մենք ԵՄ-ի հետ գնում ենք ազատ առևտրի համաձայնագրի նախապատրաստական աշխատանքների և ունենք որոշակի պարտավորություններ: Շատ առումներով, երբ տնտեսական ճգնաժամի ժամանակահատվածում մենք լուրջ արտոնություններ տրամադրեցինք տեղական արտադրողին, հիմա, երբ փորձում ենք որոշակի համահարթեցում մտցնել տվյալ պարագայում առաջ է գալիս մի իրավիճակ... Եթե օրինակ բերեիք ես ավելի մանրամասն կխոսեի:

-"Ակցիզային հարկի մասին" օրենքը:

-Եթե մենք վերցնում ենք 2008թ. գործող օրենսդրությունը և 2010թ. գործող օրենսդրությունը, անգամ ընդունված տարբերակով, ապա նորից նժարի ծանր մասն ընկնում է տեղական արտադրողին աջակցության մեխանիզմի կողմը: Որովհետև, եթե մենք այն ժամանակ գործում էինք հավասար դաշտի պարագայում, այսօր հավասար դաշտ չի, ինչի համար ԵՄ-ն մեզնից պահանջում է վերացնել նաև այդ արտոնությունները: Նրանք խաղի հավասար կանոններ են պարտադրում մեզ: Այն ժամանակ օղին 380 էր երկուսի համար հավասարազոր էր, մենք դարձրեցինք 600 ի օգուտ տեղական արտարողի, հիմա երկուսն էլ դարձրել ենք 500, բայց տեղական արտադրողին ասել ենք դու մի անգամ ես 15մլն դրամ վճարում ամբողջ արտադրության ընթացքում, բայց ներմուծողին ասում ենք ամեն մի 250հազ խմբաքանակի համար պետք է վճարես 30մլն: Այսինքն մենք տեղական արտադրողին ենք այստեղ աջակցում: Ակցիզային հարկը շատ շատ կոպիտ գործիք է և ոչ ոք ակցիզային հքարկով չի կարգավորում տեղական արտադրողի գործառույթները: Սա ցիվիլ աշխատանքի ձևեր են: Չի կարելի ասել դու դրսից ես եկել, ուրեմն չես կարող այստեղ աշխատել:

-Իսկ ինչպե՞ս եք գնահատում կառավարության, մասնավորապես վարչապետի գործունեությունը:

-Դրական:

-Որևէ բացասական բան չե՞ք տեսնում:

-Շատ բացասական բան  կա, բայց բացասականը դրականի հետ որ գումարում եմ լինում է դրական: Աշխատող մարդն է սխալվում, մահացած մարդը չի սխալվում, որովհետև գործ չի անում: Աշխատող մարդն է, որ կարող է բացթողում ունենալ և այլն: Դրական այն առումով, որ համապատասխան տնտեսական աճը առկա է, բացառությամբ գյուղատնտեսության ոլորտի, որտեղ կա բնակլիմայական ազդեցություն, ՀՆԱ-ի կառուցվածքային փոփոխություններն արդեն իրականացվում են, վարչարարության մոդելները կիրառվում են, որը նաև ներառված է պետական բյուջեի եկամտային մասով:

-Իսկ գնաճի առումով ի՞նչ կասեք:

-Գնաճը դա զսպման խնդիրներ կան, խնդրեմ, տնտեսական մրցակցության մասին արդեն օրենքում ենք փոփոխություն անում, դա էլ գործընթաց է, որ իրականացվում է ողջ աշխարհում: Սննդամթերքի գների ավելացում կա, ապրանքների գների ավելացում կա և այլն: Մենք այսօրվա դրությամբ մեր արտաքին առևտրի անցած տարվա 9 ամիսների տվյալներով ունենք 41% աճ:

Մենք որոշակիորեն մենաշնորհային իրավիճակի հետ կապված խնդիրներ ունենք, ինչն իր արտացոլումը գտել է տնտեսական մրցակցության պաշտպանության մասին օրենքում: Նրանք ասում են ավելի շատ արտոնություն տվեք, որ ավելի շատ վերահսկենք, հիմա ո՞րն է այդ չափասահմանը: Կառավարությունն ու ազգային ժողովը դինամիկ աշխատող միասնական օրգանիզմ է: Տնտեսությունը կամաց-կամաց վերադառնում է իր նախկին բնականոն դիրքին: Խնդիրը արագության մեջ է, որը մեզ չի բավարարում: Այսինքն տեմպ կարող է մեզ չբավարարել: Գնաճի առումով մենք զսպման խնդիր ունենք, որովհետև շատ դեպքերում արդարացված չէ այդ գնաճը, որ կա: Տնտեսության մրցակցության պաշտպանության իրավասության խնդիր էլ կա: Պանրի մասին շատ խոսվեց, գնացին, բայց հիմնավորման խնդիրներ կան: ՏՄՊՀ-ը հսկիչ գնման իրավուն է ուզում: Նա իրավունք չունի գնա խանութում գնում կատարի, ցույց տալու համար, որ իրականում դա այդքան արժե: Այսինքն, օրենքի բացի տեղ կա: Հիմա ասում է ինձ իրավասություն տուր, որ գնամ, խանութից ապրանքը գնեմ, ֆիքսեմ, որ այս գինն է: Իրավական հիմք ունենալու համար հսկիչ գնման իրավասություն է ուզում այդ հանձնաժողովը, բայց ինքը ուզում է նաև մտնի ստուգի համակարգչից սկսած մինչև վերջ: Այս սա արդեն չի կարելի: Այսինքն այդքան էլ հեշտ չի: Սա գործընթաց է: ընդհանուր առմամբ դրակն ենք գնահատում Կառավարության գործունեությունը:

Զրույցը վարեց Արփի Բեգլարյանը