ԱՄՆ Կալիֆորնիայի նահանգային խորհրդարանի հանձնաժողովում CalPERS և CalSTRS ներդրումային հիմնադրամներին Թուրքիայում նոր ներդրումներ կատարելու արգելք սահմանող օրենքի նախագիծ է ընդունվել:

Ըստ թուրքական «businessht.com.tr» լրատվական կայքի՝ հանձնաժողովում միաձայն ընդունված նախագիծն օրենքի ուժ կստանա խորհրդարանի լիագումար նիստում կազմակերպվելիք քվեարկությունից հետո:

Նշվում է, որ օրինագիծը բացի նոր ներդրումների արգելքից, նախատեսում է նաև արդեն իսկ այդ հիմնադրամների կողմից Թուրքիայում կատարված 500 մլն դոլարի ներդրումների փոխանցում 6 ամսվա ընթացքում:

Ermenihaber.am-ը նշում է, որ օրինագծի հեղինակը նահանգային խորհրդարանի հայ պատգամավոր Ադրին Նազարյանն է: