Լրահոս

02.02.2010 16:31


Ռուբեն Սաֆրաստյանը չի բացառել գործընթացի ձախողումը

Ռուբեն Սաֆրաստյանը չի բացառել գործընթացի ձախողումը

«7օր»-ի հետ զրույցում Արևելագիտության ինստիտուտի տնօրեն Ռուբեն Սաֆրաստյանն ասել է, որ իր կարծիքով ոչ ոք չի կարող ասել, թե երբ կբացվի հայ-թուրքական սահմանը. «Ես ժամկետներ նշել չեմ կարող. դա շատ դժվար է»։

Մեկնաբանելով Թուրքիայի ԱԳ նախարար Ահմեդ Դավութօղլուի՝ Լոնդոնի ռազմավարական ուսումնասիրությունների ինստիտուտում արած հայտարարությունը («Թուրքիան մերժում է Հայոց ցեղասպանության գաղափարը», «Ադրբեջանի տարածքի 20 տոկոսն օկուպացված է, և ո՛չ Թուրքիան, ո՛չ Ադրբեջանը համաձայն չեն ներկա իրավիճակի պահպանմանը, ինչի հետևանքով Թուրքիան փոխել է արձանագրությունների վերաբերյալ իր վերաբերմունքը, և, չնայած դրան, արձանագրությունները կարող են ստորագրվել, եթե իրականացվի վերոհիշյալ խնդրի լուծումը»)՝ Ռուբեն Սաֆրաստյանն ասել է.

-Դա ոչ ոք չի ընդունում։ Ե՛վ Ամերիկան, և՛ Ռուսաստանը հայտարարեցին, որ երկու գործընթացների միջև որևէ կապ չկա, Ռուսաստանն էլ ընդունել է Ցեղասպանությունը, խնդիր չկա, աշխարհն ընդունել է Ցեղասպանությունը։

Այդուհանդերձ, նա նշել է. «Կարծում եմ, որ եթե թուրքերը շարունակեն նման բաներ անել և ձգձգել, գործընթացն ընդհանրապես կարող է ձախողվել։ Դրա հավանականությունը չի կարելի բացառել»։

7or.am

Այս խորագրի վերջին նյութերը