«Դսուպլեքս» ակումբում «Վահան Տերյան» մշակութային կենտրոնի նախագահ Առուշան Հակոբյանը ներկայացրել է Վահան Տերյանի 125-ամյակին նվիիրված միջոցառումների ցանկը։ Նա նշել է, որ իրենք դիմել էին ՀՀ կառավարությանը, և 2010թ. հայտարարվել է տերյանական տարի։ ՀՀ վարչապետի գլխավորությամբ կազմավորվել է հոբելյանական հանձնաժողով, որի մեկնարկային նիստն արդեն տեղի է ունեցել, և հաստատվել է միջոցառումների ծրագիրը։
Անցկացվելիք հիմնական միջոցառումները կեզրափակվեն Օպերայի և բալետի ակադեմիական թատրոնում՝ հանդիսավոր նիստով և գեղարվեստական մասով։ Բանաստեղծի տարեդարձի օրը՝ փետրվարի 9-ին, Կոմիտասի անվան պանթեոնում տեղի կունենա «Տերյանի հետ» ավանդական միջոցառումը։
Առուշան Հակոբյանը նշել է՝ կառավարության կողմից ներկայացվել և հաստատվել է, որ այս տարի պետք է հրատարակվի Տերյան հանրագիտարանը, որը հայ գրականության մեջ նախադեպը չունեցող երևույթ է։
Վրաստանի գրողների միության և համապատասխան մարմինների հետ համաձայնեցված է, որ այս տարի Թբիլիսիում պետք է տերյանական օր անցկացվի։ Օրենբուրգում ևս կանցկացվեն տերյանական օրեր։
Մի շարք միջոցառումներ են նախատեսվում նաև Երևանի պետական համալսարանում, Չարենցի անվան գրականության և արվեստի թանգարանում։ Դպրոցներում նախատեսվում է անցկացնել շարադրությունների մրցույթ՝ վարչապետի մրցանակով։ Նախատեսվում է Տերյանի անունով կրթաթոշակ ևս նշանակել, ինչպես նաև մարզերում միջոցառումներ անցկացնել։
Առուշան Հակոբյանը նաև տեղեկացրել է, որ որոշում է ընդունվել Երևանում Վահան Տերյանի անվան թանգարան ստեղծելու մասին, և վարչապետի հանձնարարականն ընթացքի մեջ է։
.jpg)
2010թ. հայտարարվել է տերյանական տարի
«Դսուպլեքս» ակումբում «Վահան Տերյան» մշակութային կենտրոնի նախագահ Առուշան Հակոբյանը ներկայացրել է Վահան Տերյանի 125-ամյակին նվիիրված միջոցառումների ցանկը։ Նա նշել է, որ իրենք դիմել էին ՀՀ կառավարությանը, և 2010թ. հայտարարվել է տերյանական տարի։ ՀՀ վարչապետի գլխավորությամբ կազմավորվել է հոբելյանական հանձնաժողով, որի մեկնարկային նիստն արդեն տեղի է ունեցել, և հաստատվել է միջոցառումների ծրագիրը։
Անցկացվելիք հիմնական միջոցառումները կեզրափակվեն Օպերայի և բալետի ակադեմիական թատրոնում՝ հանդիսավոր նիստով և գեղարվեստական մասով։ Բանաստեղծի տարեդարձի օրը՝ փետրվարի 9-ին, Կոմիտասի անվան պանթեոնում տեղի կունենա «Տերյանի հետ» ավանդական միջոցառումը։
Առուշան Հակոբյանը նշել է՝ կառավարության կողմից ներկայացվել և հաստատվել է, որ այս տարի պետք է հրատարակվի Տերյան հանրագիտարանը, որը հայ գրականության մեջ նախադեպը չունեցող երևույթ է։
Վրաստանի գրողների միության և համապատասխան մարմինների հետ համաձայնեցված է, որ այս տարի Թբիլիսիում պետք է տերյանական օր անցկացվի։ Օրենբուրգում ևս կանցկացվեն տերյանական օրեր։
Մի շարք միջոցառումներ են նախատեսվում նաև Երևանի պետական համալսարանում, Չարենցի անվան գրականության և արվեստի թանգարանում։ Դպրոցներում նախատեսվում է անցկացնել շարադրությունների մրցույթ՝ վարչապետի մրցանակով։ Նախատեսվում է Տերյանի անունով կրթաթոշակ ևս նշանակել, ինչպես նաև մարզերում միջոցառումներ անցկացնել։
Առուշան Հակոբյանը նաև տեղեկացրել է, որ որոշում է ընդունվել Երևանում Վահան Տերյանի անվան թանգարան ստեղծելու մասին, և վարչապետի հանձնարարականն ընթացքի մեջ է։
7or.am