Մյունխնում կայացած անվնատգության խորհրդի նիստի ժամանակ ՌԴ արտաքին գործերի նախարար Սերգեյ Լավրովը, խոսելով ԼՂՀ կարգավորման գործընթացի մասին, ասել է, որ կողմերը «փոքրացրել» են իրենց տարաձայնությունների շրջանակները։

«Մենք ձգտում ենք օգնել Հայաստանի և Ադրբեջանի ժողովուրդներին ընդհանուր մոտեցում գտնելու հարցում,-ասել է Լավրովը, ապա ավելացրել,-Սա ակնահյտորեն խորը հակամարտություն է, բայց որոշակի առաջընթաց է արձանագրվել արդեն»։

ԵԱՀԿ Մինսկի խմբի համանախագահ երկրի արտգործնախարարը նաև նշել է, որ բանակցային գործընթացում ՀՀ նախագահ Սերժ Սարգսյանն ու Ադրբեջանի նախագահ Իլհամ Ալիևը ընդհանուր առմամբ համաձայնության են եկել հակամարտության կարգավորման հիմնարար սկզբունքների նախաբանի շուրջ։ Լավրովի խոսքերով կողմերը նաև որոշել են պատրաստել կոնկրետ առաջարկներ մնացյալ անորոշ հարցերի ձևակերպումների շուրջ։