Հայ ազգային կոնգրեսի երիտասարդները տածել են հայտարարություն, որում ասված է.

«2008 թ. փետրվարի 19-ի ՀՀ նախագահական ընտրությունների կեղծված արդյունքների շնորհիվ իշխանության գահին հայտնվեց Սերժ Սարգսյանը որը լիարժեք շարունակողն է Ռոբերտ Քոչարյանի հանցավոր գործունեության: Արդյունքում մարտի 1-ին քաղաքի կենտրոնում իշխանությունները գնդակահարեցին սեփական ժողովրդին ու բանտերը լցրեցին բազմաթիվ քաղբանտարկյալներով: Մինչ այսօր վարչախումբը շարունակում է իրագործել' ժողովրդին կեղեքելու և ստրկացնելու ծրագիրը: Այս դժբախտություններին ավելացել են նաև ղարաբաղյան հիմնախնդրում և հայ-թուրքական հարաբերություններում ոչ հայանպաստ լուծումները:
 
Սակայն այս ամենը ի զորու չէ կասեցնել մեր պայքարը հանուն ազատ և անկախ Հայաստանի:
 
Ուստի` մենք Հայ Ազգային Կոնգրեսի երիտասարդներս' փետրվարի 19-ին ժամը 16:00-ին ՀԱԿ կենտրոնական գրասենյակի մոտից կազմակերպում ենք երթ հետևյալ երթուղով' Կորյուն փողոց - Աբովյան փողոց - Հանրապետության հրապարակ - Ամիրյան փողոց - Մաշսոցի պողոտա - Սայաթ Նովա փողոց - Տերյան փողոց - Կ Ը Հ»: