Փետրվարի 18-ին Թուրքիայի խորհրդարանի (մեջլիսի) նախագահ Բինալի Յըլդըրըմը հրաժարական է տվել զբաղեցրած պաշտոնից։ Այդ մասին նա հայտնել է մեջլիսի սրահներից մեկում պատգամավորների հետ հանդիպման ժամանակ։

Մինչ խորհրդարանի նոր նախագահի ընտրվելը, Յըլդըրըմն իր պարտականությունները ժամանակավորապես կփոխանցի Թուրքիայի «Ազգայնական շարժում» (ԱՇԿ-MHP) կուսակցությունը ներկայացնող պատգամավոր Ջելալ Ադանին։

Ըստ թուրքական աղբյուրի՝ հրաժարականի պատճառն այն է, որ Յըլդըրըմը Թուրքիայում կայանալիք ՏԻՄ ընտրությունների շրջանականերում իշխող «Արդարություն և զարգացում» (ԱԶԿ-AKP) կուսակցությունից առաջադրվելու է Ստամբուլի քաղաքապետի թեկնածու։

Հիշեցնենք, որ Բինալի Յըլդըրըմը 2016-2018թթ. զբաղեցրել է Թուրքիա վարչապետի պաշտոնը։