Աշխարհ

04.04.2019 13:10


Բրիթնի Սփիրսին տեղավորել են հոգեբուժական կլինիկայում. TMZ

Բրիթնի Սփիրսին տեղավորել են հոգեբուժական կլինիկայում. TMZ

Երգչուհի Բրիթնի Սփիրսին տեղավորել են հոգեկան խանգարումներից տառապողների կլինիկայում: Այդ մասին, ինչպես տեղեկացնում Է «Արմենպրես»-ը, ապրիլի 3-ին հայտնել Է TMZ ինտերնետ-ռեսուրսը:

Նրա աղբյուրների խոսքով՝ Սփիրսին մասնագետների օգնությունն Է պահանջվել, քանի որ նա ծանր Է տանում հոր հիվանդությունը: Նրան վերջին մի քանի շաբաթվա ընթացքում երկու վիրահատություն են արել: Երգչուհին կլինիկայում ընդունվել Է մոտ մեկ շաբաթ առաջ եւ, ինչպես սպասվում Է, այնտեղ կմնա մոտավորապես 30 օր: Հունվարին Սփիրսը Twitter-ում գրել Էր, որ որոշ ժամանակով կդադարեցնի համերգներ տալ այն պատճառով, որ իր հայրը «հոսպիտալացվել Է եւ քիչ Էր մնում՝ մահանար»:

Բրիթնի Սփիրսը մի շարք երաժշտական պարգեւների, այդ թվում՝ Grammy-ի դափնեկիր Է: 2017 թվականին նա ներառվել Է ամենաբարձր վարձատրվող երգչուհիների՝ Forbes հանդեսի կազմած ցուցակում: Նա 12 ամսում վաստակել Էր 34 մլն դոլար եւ զբաղեցրել ցուցակի ութերորդ տեղը, հաղորդել Է ՏԱՍՍ-ը:

Այս խորագրի վերջին նյութերը