ՀՀ ԱԳՆ մամուլի ծառայությունից տեղեկացնում են, որ Մոսկվայի մետրոյի երկու կայարաններում կատարված ահաբեկչական պայթյունների հետևանքով զոհված երկու հայերի մասին (1982թ. ծնված Խաչատրյան Լևոնը և 1973թ. ծնված Մելքումյան Հասմիկը) տեղեկությունը չի համապատասխանում իրականությանը։

Ռուսաստանի գլխավոր դատախազությունը սխալմամբ հրապարակել էր 2004թ. փետրվարի 6-ին մետրոյի պայթյունի հետևանքով զոհվածների ցանկը, ինչի հետևանքով սխալ տեղեկություն են տարածել ռուսական և համաշխարհային լրատվամիջոցները։ ՀՀ ԱԳՆ մամուլի ծառայությունը հայցում է հանրության ներողամտությունը։

7or.am