ՀՀ երկրորդ նախագահ Ռոբերտ Քոչարյանն այսօր կրկին հորդրեց դատավորին ինքնաբացարկ հայտնել:

«Ձեր յախան թափ տվեք այս գործից, սրանից լավ հոտ չի գալիս, իրոք, լավ հոտ չի գալիս այս ամեն ինչից։ Այս գործը կարելու, սարքելու համար մարդիկ հետագայում պատասխանատվության են ենթարկվելու շատ փիս»,-դատարանում հայտարարեց Ռ.Քոչարյանը` դիմելով վերաքննիչ քրեական դատարանի դատավոր Արմեն Դանիելյանին:

Նշենք, որ այս պահին Վերաքննիչ քրեական դատարանում դատավոր Արմեն Դանիելյանի նախագահությամբ քննարկվում է վերջինիս ինքնաբացարկ հայտնելու մասին հերթական միջնորդությունը:

Այս անգամ ինքնաբացարկ է հայտնել ոչ միայն պաշտպանական կողմը, այլ նաեւ` տուժող, ինչին միացել են նաեւ դատախազները:

Ռ.Քոչարյանը դիմելով դատավոր Արմեն Դանիելյանին ասաց, որ վատ է զգում, որ իր նշանակած դատավորի նկատմամբ նման բացասական վերաբերմունք է ձևավորվել:

«Տարիների ընթացքում համակարգում լինելով այսպիսի համբավ ձեռք բերելը լավ բան չէ: Այս գործը Ձեր թափի գործը չէ»,-ասաց Քոչարյանը:

Մանրամասները` pastinfo.am-ի տեսանյութում։